डॉक्टरकन्येनं लपवली ब्रिटनवारीची माहिती; नवीन पनवेलमधील रुग्णालय सील

नवी मुंबई: ब्रिटनमधून मुलगी काही दिवसांपूर्वी परतली असताना त्याविषयीची माहिती महापालिकेला देण्यात आली नाही, तसेच मुलीच्या संपर्कात आल्यानंतरही डॉक्टरांनी आपल्या रुग्णालयात लहान मुलांना उपचार देणे सुरूच ठेवले, या कारणाखाली पनवेल महापालिकेने प्रसिद्ध बालरोगतज्ज्ञ डॉक्टर महेश मोहिते साई बाल रुग्णालयाला मंगळवारी सील ठोकले.

Live: सीलबंद वरळी कोळीवाड्यात अस्वस्थता

नवीन पनवेलमधील सेक्टर-१९ मध्ये हे रुग्णालय आहे. डॉ. मोहिते यांची कन्या कन्या १६ मार्च रोजी ब्रिटनमधून परतली. करोना विषाणूचा प्रादुर्भाव रोखण्यासाठी प्रतिबंधात्मक उपाय म्हणून परदेशातून आलेल्या व्यक्तींना सरकारच्या दिशानिर्देशानुसार अलगीकरण कक्षात (होम क्वारंटाइन) ठेवणे आवश्यक आहे. त्यामुळे रायगड जिल्ह्यात ज्या डॉक्टरांचे कुटुंबीय परदेशातून प्रवास करून आले असतील आणि ते एकाच घरात राहत असतील तर अशा डॉक्टरांनी स्वत:ही १४ दिवस अलग राहणे (होम क्वारंटाइन) आवश्यक आहे. तुम्ही तुमची कन्या परदेशातून परतल्याची माहिती पालिकेपासून लपवली. शिवाय स्वत:ही नागरिकांना वैद्यकीय सेवा देणे सुरू ठेवले. हे निश्चितच घातक आहे आणि करोना साथीचा रोग पसरवण्यासारखे गंभीर आहे’, असे नमूद करत महापालिका आयुक्त गणेश देशमुख यांनी सोमवारी (३० मार्च) रुग्णालय बंद ठेवण्याचा आदेश डॉ. मोहिते यांना दिला. त्यानंतर मंगळवारी (३१ मार्च) पालिकेने हे रुग्णालय सील करण्याची कारवाई केली. ‘सदर रुग्णालयात डॉक्टरांनी मागील काही दिवसांत कोणकोणत्या बाळांवर उपचार केले, ते कोणाकोणाच्या संपर्कात आले, त्यांचा शोध घेऊन पुढील कार्यवाही करण्यात येणार आहे’, अशी माहिती पनवेल महापालिकेचे अतिरिक्त आयुक्त प्रशांत रसाळ यांनी 'म.टा.'ला दिली.

ही तर पंतप्रधान मोदींची बदनामी; शिवसेनेचा टोला

खातरजमा न करता कारवाई: डॉ. मोहिते

पालिकेने कोणतीही खातरजमा न करता ही कारवाई केली असल्याचा दावा डॉ. महेश मोहिते यांनी केला आहे. ‘माझी कन्या स्वरा ही अमेरिका नव्हे तर इंग्लंडमधून १६ मार्च रोजी परतली. तिच्या हातावर होम क्वारंटाइनचा शिक्का मारण्यात आला नव्हता. तरीही खबरदारी म्हणून ती १४ दिवस आमच्या दुसऱ्या फ्लॅटमध्ये आमच्यापासून अलग राहिली. ती खबरदारी आम्ही स्वत:हूनच घेतली. प्रशासनाच्या कोणत्याही कर्मचाऱ्यानी मागील १५ दिवसांत येऊन याची खातरजमा केली नाही आणि अचानक नोटीस बजावून ही कारवाई केली’, असा दावा त्यांनी आपल्या खुलाशात केला आहे. ‘स्वरा हीसुद्धा डॉक्टर आहे आणि तिनेही आमच्या रुग्णालयातील रुग्णांवर उपचार केले, अशा बातम्याही प्रसिद्ध झाल्या. मात्र, ती डॉक्टर नसल्याने तिने रुग्णांना तपासण्याचा प्रश्नच उद्भवत नाही’, असेही डॉ. मोहिते यांनी स्पष्ट केले आहे.

झारखंडच्या मुख्यमंत्र्यांनी मानले महाराष्ट्राचे आभार

जळगाव: एका संशयिताचा मृत्यू; रिपोर्टची प्रतीक्षा