मुख्यमंत्र्यावरील आक्षेपार्ह पोस्टविरुद्ध तक्रार

नवी मुंबई : सोशल मीडियावर मुख्यमंत्री देवेंद्र फडणवीस यांच्यावरील आक्षेपार्ह पोस्ट करणाऱ्या शिवसैनिकांविरोधात तुर्भे एमआयडीसी पोलिस ठाण्यात तक्रार दाखल करण्यात आली आहे. भाजपचे अनुसूचित जाती मोर्चाचे सचिव सुरेश गायकवाड यांनी ही तक्रार दाखल केली.

स्थानिक शिवसैनिक समीर फडतरे यांनी मुख्यमंत्र्यांचे छायाचित्र टाकून आक्षेपार्ह पोस्ट केली होती. यावरून भाजपच्या कार्यकर्त्यांनी नाराजी व्यक्त करत पोस्ट टाकणाऱ्या तीन ते चार शिवसैनिकांच्या विरोधात पोलिस ठाण्यात थेट तक्रार केली. पोलिस यासंबंधी अधिक तपास करत आहेत. मुख्यमंत्री हे कोणत्याही एका पक्षाचे नाहीत. ते राज्याचे प्रतिनिधित्व करतात. त्यामुळे त्यांच्याविरोधात जाहीररित्या आक्षेपार्ह पोस्ट करणे योग्य नसल्याची प्रतिक्रिया गायकवाड यांनी व्यक्त केली आहे. दोषी आढळणाऱ्यांवर कारवाई करण्याची मागणी त्यांनी केली आहे.