खडसेंच्या भाच्याला पोलिस कोठडी

पनवेलः कळंबोली पोलिस ठाणाच्या हद्दीतून सहाय्यक पोलिस निरीक्षक अश्विनी बिंद्रे गोरे या बेपत्ता झाल्याप्रकरणी, नुकतीच अटक करण्यात आलेला राजेश पाटील याला सोमवारी न्यायालयाने पाच दिवसांची पोलिस कोठडी सुनावली. पाटील राज्याचे माजी मंत्री एकनाथ खडसे यांचा भाचा आहे. याप्रकरणी वरिष्ठ पोलिस निरीक्षक अभय कुरुंदकरला अटक झाली आहे.

आश्विनी बिंद्रे गोरे या ११ एप्रिल २०१६पासून गायब आहेत. याप्रकरणी अभय कुरुंदकरला अटक केल्यानंतर रविवारी राजेश पाटील याला अटक करण्यात आली. नातेवाईकांनी दिलेल्या मोबाइल संवाद, व्हिडीओ क्लिप यामुळे कुरुंदकर आणि अश्विनीचे प्रेमसंबंध असल्याचे तपासात पुढे आले आहे. त्यामुळे याप्रकरणात राजेंद्र पाटील याचाही संबंध असल्याची शक्यता व्यक्त होत आहे. पाटील याला सोमवारी न्यायालयाने १५ डिसेंबरपर्यंत कोठडी सुनावली.