म. टा. वृत्तसेवा, नवी मुंबई
सायन-पनवेल मार्गावर सानपाडा येथे रस्ता ओलांडणाऱ्या अझरुद्दीन सिराजुद्दीन खान (२२) या तरुणाच्या मांडीमध्ये रस्ता दूभाजकावर लावण्यात आलेले टोकधार रेलिंग घुसले होते. यात तो गंभीर जखमी होऊन रुग्णालयात उपचारादरम्यान त्याचा सोमवारी मृत्यू झाला.
अझरुद्दीन गोवंडीतील बैंगणवाडीत राहण्यास असून, रविवारी तो सानपाडा येथे कामानिमित्त आला होता. त्यानंतर रात्री पावणे नऊच्या सुमारास घरी जाण्यासाठी तुर्भे गाव येथून रस्ता ओलांडून सानपाडा रेल्वे स्थानकाकडे जात होता. यावेळी त्याने पादचाऱ्यांसाठी बनविलेल्या पादचारी पुलावरून जाण्याऐवजी रस्ता दुभाजकावर लावण्यात आलेल्या रेलिंगवर चढून रस्ता ओलांडण्याचा प्रयत्न केला. मात्र या प्रयत्नात त्याच्या मांडीत रेलिंगचे टोकधार रॉड घुसले. त्यामुळे तो गंभीर जखमी होऊन त्याच ठिकाणी पडला. यावेळी त्या भागातील नागरिकांनी जखमी अझरुद्दीनला पोलिसांच्या मदतीने वाशी येथील महापालिकेच्या रुग्णालयात दाखल केले. मात्र सोमवारी रात्री त्याचा मृत्यू झाला. सानपाडा पोलिसांनी या घटनेची आकस्मिक मृत्यू म्हणून नोंद केली आहे.
तरीही रेलिंगचा वापर!
सायन-पनवेल मार्गावर रस्ता ओलांडणाऱ्या पादचाऱ्यांच्या अपघातात वाढ होत असल्याने तसेच अशा अपघातांत मृत्यूच्या संख्येत वाढ झाल्याने पादचाऱ्यांना रस्ता ओलांडण्यापासून रोखण्यासाठी रस्ता दूभाजकावर ठिकठिकाणी तीन ते चार फुटांचे टोकधार लोखंडी रेलिंग लावण्यात आले आहेत. मात्र त्यानंतरदेखील अनेक पादचारी हे जीव धोक्यात घालून या रेलिंगवर चढून जात असल्याचे सानपाडा येथे घडलेल्या घटनेवरून दिसून येत आहे.
सायन-पनवेल मार्गावर सानपाडा येथे रस्ता ओलांडणाऱ्या अझरुद्दीन सिराजुद्दीन खान (२२) या तरुणाच्या मांडीमध्ये रस्ता दूभाजकावर लावण्यात आलेले टोकधार रेलिंग घुसले होते. यात तो गंभीर जखमी होऊन रुग्णालयात उपचारादरम्यान त्याचा सोमवारी मृत्यू झाला.
अझरुद्दीन गोवंडीतील बैंगणवाडीत राहण्यास असून, रविवारी तो सानपाडा येथे कामानिमित्त आला होता. त्यानंतर रात्री पावणे नऊच्या सुमारास घरी जाण्यासाठी तुर्भे गाव येथून रस्ता ओलांडून सानपाडा रेल्वे स्थानकाकडे जात होता. यावेळी त्याने पादचाऱ्यांसाठी बनविलेल्या पादचारी पुलावरून जाण्याऐवजी रस्ता दुभाजकावर लावण्यात आलेल्या रेलिंगवर चढून रस्ता ओलांडण्याचा प्रयत्न केला. मात्र या प्रयत्नात त्याच्या मांडीत रेलिंगचे टोकधार रॉड घुसले. त्यामुळे तो गंभीर जखमी होऊन त्याच ठिकाणी पडला. यावेळी त्या भागातील नागरिकांनी जखमी अझरुद्दीनला पोलिसांच्या मदतीने वाशी येथील महापालिकेच्या रुग्णालयात दाखल केले. मात्र सोमवारी रात्री त्याचा मृत्यू झाला. सानपाडा पोलिसांनी या घटनेची आकस्मिक मृत्यू म्हणून नोंद केली आहे.
तरीही रेलिंगचा वापर!
सायन-पनवेल मार्गावर रस्ता ओलांडणाऱ्या पादचाऱ्यांच्या अपघातात वाढ होत असल्याने तसेच अशा अपघातांत मृत्यूच्या संख्येत वाढ झाल्याने पादचाऱ्यांना रस्ता ओलांडण्यापासून रोखण्यासाठी रस्ता दूभाजकावर ठिकठिकाणी तीन ते चार फुटांचे टोकधार लोखंडी रेलिंग लावण्यात आले आहेत. मात्र त्यानंतरदेखील अनेक पादचारी हे जीव धोक्यात घालून या रेलिंगवर चढून जात असल्याचे सानपाडा येथे घडलेल्या घटनेवरून दिसून येत आहे.