राधानगरी : राधानगरी तालुका विधी सेवा समितीमार्फत राधानगरी तालुक्यासाठी फिरते लोकअदालत (मोबाइल व्हॅन)चे आयोजन केले आहे. नोटिसा लागू झालेल्या पक्षकारांनी याचा लाभ घ्यावा, असे आवाहन सहायक अधीक्षक आर. पी. शिंदे यांनी केले. लोकअदालत १ डिसेंबरला धामोड येथे व ३ डिसेंबरला घोटवडे येथे ग्रामपंचायत कार्यालयात सकाळी ११ ते सायंकाळी ५ या वेळेत होणार आहे. या दिवशी फौजदारी व दिवाणी स्वरूपाच्या प्रकरणी नोटिसा मिळालेल्या पक्षकारांनी याचा लाभ घ्यावा. या काळात कायदेविषयक सल्ला, माहिती व मार्गदर्शन शिबिराचे आयोजन केले आहे. शिबिरासाठी तहसीलदार, पोलिस निरीक्षक, गटविकास अधिकारी तसेच तालुका बार असोसिएशनचे सर्व सदस्य उपस्थित राहणार आहेत, अशी माहिती तालुका विधी समितीच्या वतीने दिली आहे.
डिसेंबरमध्ये लोकदालत
राधानगरी तालुका विधी सेवा समितीमार्फत राधानगरी तालुक्यासाठी फिरते लोकअदालत (मोबाइल व्हॅन)चे आयोजन केले आहे...
Maharashtra Times 29 Nov 2018, 4:00 am