म. टा. वृत्तसेवा, नवी मुंबई
ऐरोली येथील डॉ. बाबासाहेब आंबेडकर स्मारकाच्या लोकार्पणाबाबत महापालिका आयुक्त तुकाराम मुंढे यांनी केलेले वक्तव्य बेजबाबदार असल्याची टीका महापौर सुधाकर सोनावणे यांनी केली आहे. डॉ. बाबासाहेब आंबेडकर स्मारकाप्रकरणी एका शिष्टमंडळाने महापालिका आयुक्त तुकाराम मुंढे यांची भेट घेतली असता त्यांना स्मारकाचे लोकार्पण १५ ऑगस्ट रोजी करण्यात येणार असल्याची माहिती आयुक्तांनी दिली. त्यामुळे संतापलेल्या महापौरांनी तडक आयुक्तांना खरमरीत पत्र पाठवून याप्रकरणी अहवाल सादर करण्यास सांगितला. त्यामुळे डॉ. बाबासाहेब आंबेडकर स्मारकावरून आयुक्त व महापौर यांच्यातील वाद चिघळण्याची शक्यता आहे.
महापौरांनी पत्रात म्हटले आहे की, आपण (आयुक्तांनी) ऐरोली येथील डॉ. बाबासाहेब आंबेडकर स्मारकाच्या लोकार्पणाची परस्पर तारीख जाहीर करणे म्हणजे राजशिष्टाचाराचे अवमूल्यन करणे आहे. आयुक्तांच्या या वक्तव्याने नागरिकांमध्ये संभ्रम होऊन उद्रेक निर्माण होण्याची शक्यता आहे. तसेच आयुक्त जाणीवपूर्वक सभागृहाचा अवमान करत आहेत, हे सिद्ध होत असल्याचा गंभीर आरोपही महापौर सुधाकर सोनावणे यांनी केला.
ऐरोली येथील डॉ. बाबासाहेब आंबेडकर स्मारकाच्या लोकार्पणाबाबत महापालिका आयुक्त तुकाराम मुंढे यांनी केलेले वक्तव्य बेजबाबदार असल्याची टीका महापौर सुधाकर सोनावणे यांनी केली आहे. डॉ. बाबासाहेब आंबेडकर स्मारकाप्रकरणी एका शिष्टमंडळाने महापालिका आयुक्त तुकाराम मुंढे यांची भेट घेतली असता त्यांना स्मारकाचे लोकार्पण १५ ऑगस्ट रोजी करण्यात येणार असल्याची माहिती आयुक्तांनी दिली. त्यामुळे संतापलेल्या महापौरांनी तडक आयुक्तांना खरमरीत पत्र पाठवून याप्रकरणी अहवाल सादर करण्यास सांगितला. त्यामुळे डॉ. बाबासाहेब आंबेडकर स्मारकावरून आयुक्त व महापौर यांच्यातील वाद चिघळण्याची शक्यता आहे.
महापौरांनी पत्रात म्हटले आहे की, आपण (आयुक्तांनी) ऐरोली येथील डॉ. बाबासाहेब आंबेडकर स्मारकाच्या लोकार्पणाची परस्पर तारीख जाहीर करणे म्हणजे राजशिष्टाचाराचे अवमूल्यन करणे आहे. आयुक्तांच्या या वक्तव्याने नागरिकांमध्ये संभ्रम होऊन उद्रेक निर्माण होण्याची शक्यता आहे. तसेच आयुक्त जाणीवपूर्वक सभागृहाचा अवमान करत आहेत, हे सिद्ध होत असल्याचा गंभीर आरोपही महापौर सुधाकर सोनावणे यांनी केला.