म. टा. वृत्तसेवा, नवी मुंबई
स्थायी समितीवर सदस्य नियुक्त करण्यावरून शिवसेनेमध्ये तीव्र मतभेद उफाळून आले आहेत. पक्षात काम करणाऱ्या निष्ठावंत शिवसैनिकांवर अन्याय होत असल्याची चर्चा सुरू झाल्याने नाराजांना शांत करण्याचे आव्हान पक्षातील नेत्यांसमोर उभे राहिले आहे. एकंदरीत स्थायी समिती सदस्य निवडीवरून सध्या शिवसेनेत सुरू असलेली धूसफूस येत्या काळात पक्षाला अडचणीची ठरणार असल्याचे बोलले जात आहे.
महाराष्ट्र महानगरपालिका अधिनियमाच्या कलम २० (३) व (४) अन्वये स्थायी समितीचे ८ सदस्य १ मे रोजी निवृत्त होत आहेत. निवृत्त होणाऱ्या सदस्यांमध्ये राष्ट्रवादी काँग्रेसचे जयवंत सुतार, प्रकाश मोरे, विनोद म्हात्रे यांचा समावेश आहे. तसेच शिवसेनेचे देखील एम. के. मढवी, काशिनाथ पवार, शिवराम पाटील, भारती कोळी व जगदीश गवते हे पाच सदस्य निवृत्त होत आहेत. निवृत्त होणाऱ्या सदस्यांच्या जागेवर मंगळवारी नवीन सदस्य नियुक्त केले जाणार होते. परंतु राष्ट्रवादी काँग्रेसच्या गटनेत्यांनी नावे सादर करण्यासाठी वाढीव मुदत मागून घेतल्याने आता ही नियुक्ती २६ एप्रिलला होणाऱ्या तहकूब सभेत होणार आहे. दरम्यान, सदस्य नियुक्तीवरून शिवसेनेमध्ये पुन्हा मोठ्या प्रमाणात मतभेद निर्माण झाले आहेत.
यावेळी विद्यमान विरोधी पक्षनेते विजय चौगुले, नामदेव भगत, रंगनाथ औटी, द्वारकानाथ भोईर, सरोज पाटील यांची नावे जवळपास निश्चित समजली जात आहेत.
स्थायी समितीवर सदस्य नियुक्त करण्यावरून शिवसेनेमध्ये तीव्र मतभेद उफाळून आले आहेत. पक्षात काम करणाऱ्या निष्ठावंत शिवसैनिकांवर अन्याय होत असल्याची चर्चा सुरू झाल्याने नाराजांना शांत करण्याचे आव्हान पक्षातील नेत्यांसमोर उभे राहिले आहे. एकंदरीत स्थायी समिती सदस्य निवडीवरून सध्या शिवसेनेत सुरू असलेली धूसफूस येत्या काळात पक्षाला अडचणीची ठरणार असल्याचे बोलले जात आहे.
महाराष्ट्र महानगरपालिका अधिनियमाच्या कलम २० (३) व (४) अन्वये स्थायी समितीचे ८ सदस्य १ मे रोजी निवृत्त होत आहेत. निवृत्त होणाऱ्या सदस्यांमध्ये राष्ट्रवादी काँग्रेसचे जयवंत सुतार, प्रकाश मोरे, विनोद म्हात्रे यांचा समावेश आहे. तसेच शिवसेनेचे देखील एम. के. मढवी, काशिनाथ पवार, शिवराम पाटील, भारती कोळी व जगदीश गवते हे पाच सदस्य निवृत्त होत आहेत. निवृत्त होणाऱ्या सदस्यांच्या जागेवर मंगळवारी नवीन सदस्य नियुक्त केले जाणार होते. परंतु राष्ट्रवादी काँग्रेसच्या गटनेत्यांनी नावे सादर करण्यासाठी वाढीव मुदत मागून घेतल्याने आता ही नियुक्ती २६ एप्रिलला होणाऱ्या तहकूब सभेत होणार आहे. दरम्यान, सदस्य नियुक्तीवरून शिवसेनेमध्ये पुन्हा मोठ्या प्रमाणात मतभेद निर्माण झाले आहेत.
यावेळी विद्यमान विरोधी पक्षनेते विजय चौगुले, नामदेव भगत, रंगनाथ औटी, द्वारकानाथ भोईर, सरोज पाटील यांची नावे जवळपास निश्चित समजली जात आहेत.