पनवेल : लॉकडाउनच्या काळात खासगी शाळांनी पालकांकडून फी वसूल करू नये, असे आदेश देऊनही पनवेलमधील काही शाळा पालकांकडून फी भरण्याची सक्ती करू लागले आहेत. त्यामुळे शाळांनी पालकांकडून लॉकडाउनच्या काळात फी वसूल करू नये, असे आदेश पनवेलच्या गटशिक्षण अधिकाऱ्यांनी शाळांना दिले आहेत. तशी सक्ती केल्यास राज्य सरकारचे कलम २, ३ व ३ साथरोग प्रतिबंधात्मक अधिनियमाप्रमाणे कारवाई करण्यात येईल, असे त्यांनी म्हटले आहे. सद्यस्थितीत फी भरू नये, असे आवाहन शाळा व्यवस्थापनाने पालकांना करण्याचे आदेशात म्हटले आहे.
फीची सक्ती नको
लॉकडाउनच्या काळात खासगी शाळांनी पालकांकडून फी वसूल करू नये, असे आदेश देऊनही पनवेलमधील काही शाळा पालकांकडून फी भरण्याची सक्ती करू लागले आहेत...
महाराष्ट्र टाइम्स.कॉम 16 Jun 2020, 4:00 am