म. टा. वृत्तसेवा, पनवेल
भाजपचे जिल्हाध्यक्ष आमदार प्रशांत ठाकूर यांनी शुक्रवारी राज्य निवडणूक आयोगाचे आयुक्त जे. एस. सहारिया यांची भेट घेऊन निवडणूका सुट्टीत घेतल्यास मतदान होणार नाही, त्यामुळे मे महिन्यापूर्वी एप्रिलमध्ये मतदान घेण्याची विनंती त्यांनी निवेदन देऊन केली. याच निवेदनात त्यांनी प्रारूप मतदारयादीत असलेल्या त्रुटी दूर करून निवडणूक कार्यक्रम घोषित करण्याची मागणी केली आहे.
भाजपाचे जिल्हाध्यक्ष आमदार प्रशांत ठाकूर यांचे वडील माजी खासदार रामशेठ ठाकूर यांनी पनवेल महापालिकेचे आयुक्त राजेंद्र बाविस्कर यांची भेट घेतली. प्रारूप मतदारयादीत झालेल्या चुका दुरुस्त करण्याची मागणी केली. तर, दुसरीकडे आमदार प्रशांत ठाकूर यांनी थेट यांनी राज्य निवडणूक आयोगाचे आयुक्त जे. एस. सहारिया यांची भेट घेतली. प्रारूप मतदारयाद्यांतील चुका सुधारण्यासाठी मुदतवाढ द्यावी आणि प्रभागनिहाय मतदार याद्या प्रसिद्ध करण्याची मागणी केली. या मागणीसोबत ठाकूर यांनी निवेदनात एक भीती व्यक्त केली आहे. निवडणुका मे महिन्यात गेल्यास शाळांना सुट्टी जाहीर झालेली असते. महापालिकेचा बराचसा भाग सिडको वसाहतींचा आहे. सिडको वसाहतीत राहणारे मतदार मुलांच्या सुट्टीत गावाला जातात. मतदार गावाला निघून गेल्यास त्याचा मोठा परिणाम मतदानावर होऊ शकतो, असे आमदार प्रशांत ठाकूर यांनी निवेदनात म्हटले आहे. त्यामुळे निवडणुका मेमध्ये न घेता एप्रिल महिन्यातच घ्याव्या, अशी विनंती केली आहे. भाजपला सत्तेपर्यंत पोहचण्यासाठी शहरी मतदारांचा कौल महत्त्वाचा असणार आहे. शहरी मतदार महाराष्ट्राच्या कानाकोपऱ्यात पनवेलमध्ये रहायला आला आहे. हा मतदार ऐन निवडणुकीच्या काळात पनवेल सोडून गावी गेल्यास भाजपला ते नुकसान करणारे ठरणार आहे. याची भीती भाजपाला असल्यामुळे आमदार प्रशांत ठाकूर यांनी निवडणुकीची घोषणा होण्याची शक्यता असल्याने राज्य निवडणूक आयोगाला ही बाब लक्षात आणून दिली आहे.
भाजपचे जिल्हाध्यक्ष आमदार प्रशांत ठाकूर यांनी शुक्रवारी राज्य निवडणूक आयोगाचे आयुक्त जे. एस. सहारिया यांची भेट घेऊन निवडणूका सुट्टीत घेतल्यास मतदान होणार नाही, त्यामुळे मे महिन्यापूर्वी एप्रिलमध्ये मतदान घेण्याची विनंती त्यांनी निवेदन देऊन केली. याच निवेदनात त्यांनी प्रारूप मतदारयादीत असलेल्या त्रुटी दूर करून निवडणूक कार्यक्रम घोषित करण्याची मागणी केली आहे.
भाजपाचे जिल्हाध्यक्ष आमदार प्रशांत ठाकूर यांचे वडील माजी खासदार रामशेठ ठाकूर यांनी पनवेल महापालिकेचे आयुक्त राजेंद्र बाविस्कर यांची भेट घेतली. प्रारूप मतदारयादीत झालेल्या चुका दुरुस्त करण्याची मागणी केली. तर, दुसरीकडे आमदार प्रशांत ठाकूर यांनी थेट यांनी राज्य निवडणूक आयोगाचे आयुक्त जे. एस. सहारिया यांची भेट घेतली. प्रारूप मतदारयाद्यांतील चुका सुधारण्यासाठी मुदतवाढ द्यावी आणि प्रभागनिहाय मतदार याद्या प्रसिद्ध करण्याची मागणी केली. या मागणीसोबत ठाकूर यांनी निवेदनात एक भीती व्यक्त केली आहे. निवडणुका मे महिन्यात गेल्यास शाळांना सुट्टी जाहीर झालेली असते. महापालिकेचा बराचसा भाग सिडको वसाहतींचा आहे. सिडको वसाहतीत राहणारे मतदार मुलांच्या सुट्टीत गावाला जातात. मतदार गावाला निघून गेल्यास त्याचा मोठा परिणाम मतदानावर होऊ शकतो, असे आमदार प्रशांत ठाकूर यांनी निवेदनात म्हटले आहे. त्यामुळे निवडणुका मेमध्ये न घेता एप्रिल महिन्यातच घ्याव्या, अशी विनंती केली आहे. भाजपला सत्तेपर्यंत पोहचण्यासाठी शहरी मतदारांचा कौल महत्त्वाचा असणार आहे. शहरी मतदार महाराष्ट्राच्या कानाकोपऱ्यात पनवेलमध्ये रहायला आला आहे. हा मतदार ऐन निवडणुकीच्या काळात पनवेल सोडून गावी गेल्यास भाजपला ते नुकसान करणारे ठरणार आहे. याची भीती भाजपाला असल्यामुळे आमदार प्रशांत ठाकूर यांनी निवडणुकीची घोषणा होण्याची शक्यता असल्याने राज्य निवडणूक आयोगाला ही बाब लक्षात आणून दिली आहे.