थोडक्यात
मुंबईः ठाण्यानंतर आता मुंबईतही नवीन बनावट नोटा गुन्हे शाखेने हस्तगत केल्याने खळबळ उडाली आहे. गुन्हे शाखेच्या पथकाने नुकतीच भायखळा येथून दोघांना अटक केली असून त्यांच्याकडून दोन हजार रुपये चलनाच्या ३२ बनावट नोटा (मूल्य ६४ हजार रुपये) हस्तगत करण्यात आल्या. ही रक्कम लहान असली तरी या नोटा नवीन नोटांप्रमाणे हुबेहूब दिसत असल्याचे पोलिसांनी म्हटले आहे. विशेष म्हणजे या दोघांनी काही बनावट नोटा वितरित केल्याची माहितीही चौकशीतून समोर आली आहे.