परभणी : येथील महापौरपदी प्रथमच अनुसूचित जातीच्या माहिला उमेदवाराची निवड होणार आहे. मंत्रालयात झालेल्या महापौर पदाच्या सोडतीत हे पद अनुसूचित जातीसाठी आरक्षित झाल्याने येत्या २२ नोव्हेंबरला नव्या महापौरांची नियुक्ती होणार आहे. दरम्यान, या पदासाठी काँग्रेस आणि राष्ट्रवादी काँग्रेस या दोन्ही पक्षांने फिल्डिंग लावली आहे. काँग्रेसचे ३० सदस्य असून, त्या खालोखाल राष्ट्रवादी १९, भाजप ७, शिवसेना ५, एमआयएम एक आणि इतर तीन सदस्य आहेत. महापौर मीना वरपूडकर व उपमहापौर माजू लाला यांचा २२ नोव्हेंबर रोजी कार्यकाल संपत आहे. पालिकेत अनिता सोनकांबळे या काँग्रेसकडून निवडून आलेल्या एकमेव उमेदवार असून, त्यांची या पदावर वर्णी लागण्याची शक्यता आहे. तर राष्ट्रवादी काँग्रेसकडे डॉ. वर्षा संजय खिल्लारे या उमेदवार असणार आहेत.
परभणी महापौरपसाठी काँग्रेस, राष्ट्रवादीची फिल्डिंग
येथील महापौरपदी प्रथमच अनुसूचित जातीच्या माहिला उमेदवाराची निवड होणार आहे...
महाराष्ट्र टाइम्स.कॉम 14 Nov 2019, 4:00 am