कुडित्रे : पावसाने उसंत घेतल्यामुळे कुंभी नदीला आलेल्या पुरामुळे कोल्हापूर-गगनबावडा मार्गावरील लोंघे-किरवे, मांडुकली या ठिकाणी आलेले पुराचे पाणी ओसरले आहे. त्यामुळे गेले दोन दिवस ठप्प असणारा कोल्हापूर-गगनबावडा मार्ग दुपारी चारच्या सुमारास वाहतुकीसाठी झाला. दरम्यान, कुंभी धरणातून सायंकाळी सहापासून १२०० क्युसेक्स पाण्याचा विसर्ग सुरू केला असून, नदीकाठच्या गावांना पाटबंधारे विभागाने सतर्कतेचा इशारा दिला आहे. गगनबावडा तालुक्यात बुधवारी सकाळपर्यंत ८९ मि.मी. पावसाची नोंद झाली.
००००
राधानगरी धरण फोटो ओळ...
राधानगरी धरणात ९५ टक्के पाणीसाठा झाला असून, स्वयंचलित दरवाजे उघडण्यासाठी अद्याप दोन फूट पाणी पातळी कमी आहे. येत्या दोन दिवसांत स्वयंचलित दरवाजे उघडण्याची शक्यता आहे.