\Bम. टा. प्रतिनिधी, पैठण
\Bमहाराष्ट्र बँकेमध्ये पैसे भरण्याकरिता आलेल्या वृद्धाचे चोरट्यांनी लक्ष विचलित करून त्यांच्याजवळचे पंचवीस हजार रुपये लंपास केल्याची घटना गुरुवारी घडली. दोन्ही चोरटे बँकेच्या सीसीटीव्हीमध्ये कैद झाले असून, पोलिस पुढील तपास करत आहेत.
शहराजवळील खडका-मडका गावातील सुखदेव पाटीलबुवा साळुंखे (वय ७०) हे त्यांचे मित्र हरिभाऊ विष्णू वडघणे यांच्यासोबत कोंबडी पालनाचा व्यवसाय करतात. हे दोघे गुरुवारी महाराष्ट्र बँकेत पैसे भरण्याकरिता आले होते. तेव्हा टोपी घातलेल्या दोन अनोळखी व्यक्ती त्यांच्याजवळ आल्या. त्या पैकी एकाने पैसे भरण्याची पावती भरून द्या, अशी विनंती केली. पावती भरत असताना दुसऱ्या अनोळखी व्यक्तीने मी तुमचे पैसे मोजून देतो म्हणून दोघांचे लक्ष विचलित केले व दोन्ही चोरट्यांनी सुखदेव साळुंके यांच्या जवळील रोख पंचवीस हजार रुपये घेऊन लंपास केले. आपले पैसे चोरी झाल्याचे जेव्हा साळुंखे यांच्या लक्षात आले तोपर्यंत दोन्ही चोरटे बँकेतून पसार झाले. याप्रकरणी, सुखदेव साळुंखे यांच्या फिर्यादीवरून दोन अनोळखी व्यक्तींविरोधात चोरीचा गुन्हा दाखल झाला आहे.
\Bदोघांविरोधात गुन्हा
\B- महाराष्ट्र बँकेतील प्रकार
- दोघांचा आजोबांना गंडा
- बोलण्यात गुंतवून ठेवले
- पावती भरण्याची विनंती
- पैसे मोजण्यासाठी घेतले
- दोघेही पैसे घेऊन फरार