पोलिस आयुक्तांची माहिती; नियम पाळण्याची सूचना
म. टा. वृत्तसेवा, नवी मुंबई
लॉकर कसा असावा, याविषयी रिझर्व्ह बँक ऑफ इंडियाने नियमावली जारी केली आहे. त्या नियमानुसार बोटावर मोजण्या इतक्याच बँकांनी लॉकर तयार केले आहेत. मात्र ९० टक्के बँकांनी या सूचनांकडे दुर्लक्ष केले आहे. त्यामुळे येत्या काळात बँकांनी लॉकर सुरक्षेविषयीचे रिझर्व्ह बँकेचे नियम पाळावेत, असे आदेश पोलिस आयुक्तांनी बँक व्यवस्थापकांसोबत आयोजित केलेल्या कार्यशाळेत दिले.
रिझर्व्ह बँकेच्या नियमानुसार लॉकरची भिंत, जमीन आणि लॉकरची जाडी याबाबत मार्गदर्शक तत्त्वे बँकांनी अंमलात आणावीत, असे ते म्हणाले. ओरीपी अत्यंत नियोजनबद्ध कट रचून गुन्हा करण्यासाठी सहा महिन्यांपेक्षा अधिक कालावधीपासून प्रयत्नांत होते, तो गुन्हा उघडकीस आणण्याचे आव्हान अत्यंत कमी कालावधीत पेलले. अशा प्रकारचे गुन्हे घडण्यास प्रतिबंध व्हावा म्हणून सर्वांनी प्रयत्न करण्याचे आवाहन त्यांनी केले. सुरक्षाविषयक मार्गदर्शक सूचनांची पूर्तता न केल्यामुळे हा मोठा गुन्हा घडल्याचे त्यांनी सांगितले. कोणत्या बाबींमुळे चुकीच्या गोष्टी घडू शकतात, या बाबींवर चिंतन केले तरीदेखील अशा प्रकरणांना प्रतिबंध होऊ शकतो, असे पोलिस आयुक्त हेमंत नगराळे यांनी सांगितले. जुईनगर येथील बँक ऑफ बडोदातील लॉकरफोडीच्या पार्श्वभूमीवर नवी मुंबई, पनवेल, उरण क्षेत्रातील सर्व बँकांनी रिझर्व्ह बँक ऑफ इंडियाने दिलेल्या मार्गदर्शक सूचनांनुसार लॉकर सुरक्षाविषयक उपाययोजना कराव्यात, असे आदेश नवी मुंबईचे पोलिस आयुक्त हेमंत नगराळे यांनी दिले. या संदर्भात आयोजित बैठकीस शहरातील ८७४ बँकांचे व्यवस्थापक उपस्थित होते. आतापर्यंत बँकेत झालेल्या चोऱ्या व लॉकरफोडी यांचे एक सादरीकरण यावेळी करण्यात आले. मागील महिन्यात जुईनगर येथील बँक ऑफ बडोदाच्या शाखेतील लॉकर्स भुयार खोदून फोडण्यात आली होती. या प्रकरणात सव्वातीन कोटींचा ऐवज चोरीला गेला. पोलिसांनी त्यातील ५० टक्के ऐवज जप्त करून ११ जणांना अटक केली आहे. या बैठकीत वाशी परिमंडळ-१चे पोलिस उपायुक्त डॉ. सुधाकर पठारे यांनी माहितीपूर्ण पॉवरपॉइंट सादरीकरण करून बँक ऑफ बडोदा लॉकरफोडीची घटना कशी घडली, याबाबत माहिती दिली. बँकांना सुरक्षा संदर्भात रिझर्व्ह बँकेने दिलेल्या मार्गदर्शक सूचनांचे पालन करण्याचे आवाहन केले.
म. टा. वृत्तसेवा, नवी मुंबई
लॉकर कसा असावा, याविषयी रिझर्व्ह बँक ऑफ इंडियाने नियमावली जारी केली आहे. त्या नियमानुसार बोटावर मोजण्या इतक्याच बँकांनी लॉकर तयार केले आहेत. मात्र ९० टक्के बँकांनी या सूचनांकडे दुर्लक्ष केले आहे. त्यामुळे येत्या काळात बँकांनी लॉकर सुरक्षेविषयीचे रिझर्व्ह बँकेचे नियम पाळावेत, असे आदेश पोलिस आयुक्तांनी बँक व्यवस्थापकांसोबत आयोजित केलेल्या कार्यशाळेत दिले.
रिझर्व्ह बँकेच्या नियमानुसार लॉकरची भिंत, जमीन आणि लॉकरची जाडी याबाबत मार्गदर्शक तत्त्वे बँकांनी अंमलात आणावीत, असे ते म्हणाले. ओरीपी अत्यंत नियोजनबद्ध कट रचून गुन्हा करण्यासाठी सहा महिन्यांपेक्षा अधिक कालावधीपासून प्रयत्नांत होते, तो गुन्हा उघडकीस आणण्याचे आव्हान अत्यंत कमी कालावधीत पेलले. अशा प्रकारचे गुन्हे घडण्यास प्रतिबंध व्हावा म्हणून सर्वांनी प्रयत्न करण्याचे आवाहन त्यांनी केले. सुरक्षाविषयक मार्गदर्शक सूचनांची पूर्तता न केल्यामुळे हा मोठा गुन्हा घडल्याचे त्यांनी सांगितले. कोणत्या बाबींमुळे चुकीच्या गोष्टी घडू शकतात, या बाबींवर चिंतन केले तरीदेखील अशा प्रकरणांना प्रतिबंध होऊ शकतो, असे पोलिस आयुक्त हेमंत नगराळे यांनी सांगितले. जुईनगर येथील बँक ऑफ बडोदातील लॉकरफोडीच्या पार्श्वभूमीवर नवी मुंबई, पनवेल, उरण क्षेत्रातील सर्व बँकांनी रिझर्व्ह बँक ऑफ इंडियाने दिलेल्या मार्गदर्शक सूचनांनुसार लॉकर सुरक्षाविषयक उपाययोजना कराव्यात, असे आदेश नवी मुंबईचे पोलिस आयुक्त हेमंत नगराळे यांनी दिले. या संदर्भात आयोजित बैठकीस शहरातील ८७४ बँकांचे व्यवस्थापक उपस्थित होते. आतापर्यंत बँकेत झालेल्या चोऱ्या व लॉकरफोडी यांचे एक सादरीकरण यावेळी करण्यात आले. मागील महिन्यात जुईनगर येथील बँक ऑफ बडोदाच्या शाखेतील लॉकर्स भुयार खोदून फोडण्यात आली होती. या प्रकरणात सव्वातीन कोटींचा ऐवज चोरीला गेला. पोलिसांनी त्यातील ५० टक्के ऐवज जप्त करून ११ जणांना अटक केली आहे. या बैठकीत वाशी परिमंडळ-१चे पोलिस उपायुक्त डॉ. सुधाकर पठारे यांनी माहितीपूर्ण पॉवरपॉइंट सादरीकरण करून बँक ऑफ बडोदा लॉकरफोडीची घटना कशी घडली, याबाबत माहिती दिली. बँकांना सुरक्षा संदर्भात रिझर्व्ह बँकेने दिलेल्या मार्गदर्शक सूचनांचे पालन करण्याचे आवाहन केले.