म. टा. वृत्तसेवा, नवी मुंबई
दिघा येथील एमआयडीसीच्या जागेत अनधिकृत उभी असलेली सहा मजली अंबिका इमारत अखेर मंगळवारी रिकामी करण्याची कारवाई करण्यात आली. त्यामुळे ऐन पावसाळ्याच्या तोंडावर या इमारतीतील ५४ कुटुंबे बेघर झाली आहेत.
ठाणे-बेलापूर मार्गावरील दिघा येथील एमआयडीसीच्या जागेवर अनधिकृत उभ्या राहिलेल्या शेकडो इमारती न्यायालयाने बेकायदा ठरवून त्या पाडण्याचे आदेश दिले आहेत. न्यायालयाच्या आदेशाला नागरिकांनी लोकशाही मार्गाने विरोध देखील केला होता. त्यासाठी रास्ता रोको, बेमुदत उपोषण तसेच शासकीय दरबारी पत्रव्यवहार आदी मार्गाचा अवलंब करण्यात आला. तरीदेखील त्याचा कोणताही परिणाम न्यायालयाच्या निर्णयावर झाला नाही. एमआयडीसीच्या जागेत अनधिकृत उभी राहिलेली अंबिका इमारत तळ मजला अधिक सहा मजल्यांची होती. यात ५४ निवासी घरे व ८ दुकाने होती. ही सर्व घरे आणि दुकाने बिल्डरने सर्वसामान्यांना विकली होती.
अंबिका इमारतीतील रहिवाशांनी आंदोलने व कायदेशीर मार्गांचा अवलंब केला, तरी त्याचा काहीही उपयोग झालेला नाही. ६ मे २०१६पर्यंत अंबिका इमारतीतील रहिवाशांनी स्वत:हून आपली घरे रिकामी करण्याचे आदेश न्यायालयाने दिले होते. त्यानंतर दोन वेळा रहिवाशांना घरे खाली करण्यासंदर्भात नोटीस दिल्या होत्या. तरीदेखील रहिवाशांनी आपली घरे रिकामी केली नाहीत, म्हणून मंगळवारी कोर्ट रिसिव्हर्सने ही इमारत रिकामी केली.
दिघा येथील एमआयडीसीच्या जागेत अनधिकृत उभी असलेली सहा मजली अंबिका इमारत अखेर मंगळवारी रिकामी करण्याची कारवाई करण्यात आली. त्यामुळे ऐन पावसाळ्याच्या तोंडावर या इमारतीतील ५४ कुटुंबे बेघर झाली आहेत.
ठाणे-बेलापूर मार्गावरील दिघा येथील एमआयडीसीच्या जागेवर अनधिकृत उभ्या राहिलेल्या शेकडो इमारती न्यायालयाने बेकायदा ठरवून त्या पाडण्याचे आदेश दिले आहेत. न्यायालयाच्या आदेशाला नागरिकांनी लोकशाही मार्गाने विरोध देखील केला होता. त्यासाठी रास्ता रोको, बेमुदत उपोषण तसेच शासकीय दरबारी पत्रव्यवहार आदी मार्गाचा अवलंब करण्यात आला. तरीदेखील त्याचा कोणताही परिणाम न्यायालयाच्या निर्णयावर झाला नाही. एमआयडीसीच्या जागेत अनधिकृत उभी राहिलेली अंबिका इमारत तळ मजला अधिक सहा मजल्यांची होती. यात ५४ निवासी घरे व ८ दुकाने होती. ही सर्व घरे आणि दुकाने बिल्डरने सर्वसामान्यांना विकली होती.
अंबिका इमारतीतील रहिवाशांनी आंदोलने व कायदेशीर मार्गांचा अवलंब केला, तरी त्याचा काहीही उपयोग झालेला नाही. ६ मे २०१६पर्यंत अंबिका इमारतीतील रहिवाशांनी स्वत:हून आपली घरे रिकामी करण्याचे आदेश न्यायालयाने दिले होते. त्यानंतर दोन वेळा रहिवाशांना घरे खाली करण्यासंदर्भात नोटीस दिल्या होत्या. तरीदेखील रहिवाशांनी आपली घरे रिकामी केली नाहीत, म्हणून मंगळवारी कोर्ट रिसिव्हर्सने ही इमारत रिकामी केली.