काँग्रेस संवाद कार्यकर्ता
प्रशिक्षण शिबिर उत्साहात
जालना : जालना जिल्हा काँग्रेस कमिटीच्यावतीने येथील श्री गुरु गणेश मंगल कार्यालयात आयोजित करण्यात आलेल्या एक दिवसीय संवाद कार्यकर्ता प्रशिक्षण शिबिराचे उद्घाटन आमदार रामहरी रुपनवार यांच्या हस्ते करण्यात आले. कार्यक्रमाच्या अध्यक्षस्थानी जिल्हा काँग्रेस कमिटीचे अध्यक्ष राजाभाऊ देशमुख हे होते. तर माजी आमदार कैलास गोरंट्याल, सुरेशकुमार जेथलिया, अॅड. संतोषराव दसपूते, भीमराव डोंगरे, डॉ. संजय लाखे-पाटील, विजय कामड, ज्ञानेश्वर भांदरगे, सत्संग मुंडे, प्रशिक्षक राजीव साहू, लेखा नायर, विनोद नायर, नवशाद परमार आदींची प्रमुख उपस्थिती होती.
हर्ष घाटेशाही याने सुवर्णपदक पटकाविले
जालना : जालना शहरातील आर. एच. व्ही. इंग्लीश स्कुलचा सातवीचा विद्यार्थी हर्ष प्रदिप घाटेशाही याने शालेय जिल्हास्तरीय इनडोअर फिल्ड आर्चरी स्पर्धेत १४ वर्षाखालील मुलाच्या गटात कंपाऊंड राऊंड प्रकारात सुवर्णपदक पटकाविले. यावेळी जेईएस महाविद्यालयाचे प्राचार्य जवाहर काबरा, जिल्हा ऑलिम्पीक संघटनेचे सचिव शेख चाँद, शेख मतीन यांची उपस्थिती होती. या यशाबद्दल त्याचा प्राचार्या रिटा टंडन, प्रशिक्षक डॉ. हेमंत वर्मा, प्रतिक्षा वर्मा, गौरव धोत्रे, राहूल सारस्वत, चंद्रकांत इंगळे, श्रीमती ठाकुर, डॉ. रविंद्र काकडे, संदीप घाटेशाही यांनी अभिनंदन केले.