जावेद राज यांना पुरस्कार
हिंगोली- एकता सेवाभावी संस्था परभणीच्या वतीने सामाजिक कार्यासाठी दिला जाणारा राज्यस्तरीय समाजरत्न पुरस्कार हिंगोली राष्ट्रवादी काँग्रेसचे शहराध्यक्ष जावेद राज यांना जाहीर झाला असून १४ मे रोजी मुंबई येथे पुरस्काराचे वितरण करण्यात येणार आहे. मुंबई काँग्रेसचे अध्यक्ष संजय निरुपम यांच्या हस्ते हा पुरस्कार दिला जाणार आहे. या वेळी चित्रपट महामंडळाचे अध्यक्ष मेघराज भोसले, पत्रकार संघाचे नरेंद्र वाबळे, अभिनेता अनिल मोरे, आमदार विक्रम काळे, रामराव वडकुते, ज्ञानराज चौगुले यांची उपस्थिती राहणार आहे, अशी माहिती संस्थेचे अध्यक्ष अजमत खान यांनी दिली आहे.