म. टा. वृत्तसेवा, नवी मुंबई
सिडकोच्या खारघर येथील मनपसंत गृहनिर्माण योजनेतील सुमारे ३८० सदनिकांची सोडत कम्प्युटराइज्ड पद्धतीने येत्या २८ फेब्रुवारी रोजी सकाळी ११ वाजता सिडको भवन येथील सभागृहात होत आहे.
ही सोडत निवृत्त न्यायाधीश, माहिती तंत्रज्ञान तज्ज्ञ, वरिष्ठ माध्यम प्रतिनिधी आणि सिडकोच्या वरिष्ठ अधिकाऱ्यांच्या पर्यवेक्षण समितीच्या उपस्थितीत पार पडणार आहे. या सोडतीचे थेट प्रक्षेपण वेब कास्टच्या माध्यमातून सिडकोचे अधिकृत संकेतस्थळ www.cidco.maharashtra.gov.in वरून होणार आहे. सोडतीसाठी अर्जदार सिडको भवन येथे उपस्थित राहू शकतात. परंतु, सोडतीचे सिडकोच्या संकेतस्थळावरून थेट प्रक्षेपण होणार असल्याने अर्जदार सोडतीचा निकाल घरबसल्या पाहता येणार आहे.
सोडतीनंतर निकालाचा तपशील सिडकोच्या अधिकृत संकेतस्थळासोबतच सिडको कार्यालयामध्येही प्रसिद्ध करण्यात येणार आहे. सिडकोतर्फे खारघर, सेक्टर- ३६ येथे व्हॅलीशिल्प, खारघर सेक्टर १५ येथे वास्तुविहार सेलिब्रेशन आणि उलवे, सेक्टर १९ अ येथे उन्नती या गृहसंकुलाची निर्मिती करण्यात आली होती. या गृहप्रकल्पातील शिल्लक सदनिकांची विक्री मनपसंत गृहनिर्माण योजनेच्या माध्यमातून करण्यात आली आहे.
सिडकोच्या खारघर येथील मनपसंत गृहनिर्माण योजनेतील सुमारे ३८० सदनिकांची सोडत कम्प्युटराइज्ड पद्धतीने येत्या २८ फेब्रुवारी रोजी सकाळी ११ वाजता सिडको भवन येथील सभागृहात होत आहे.
ही सोडत निवृत्त न्यायाधीश, माहिती तंत्रज्ञान तज्ज्ञ, वरिष्ठ माध्यम प्रतिनिधी आणि सिडकोच्या वरिष्ठ अधिकाऱ्यांच्या पर्यवेक्षण समितीच्या उपस्थितीत पार पडणार आहे. या सोडतीचे थेट प्रक्षेपण वेब कास्टच्या माध्यमातून सिडकोचे अधिकृत संकेतस्थळ www.cidco.maharashtra.gov.in वरून होणार आहे. सोडतीसाठी अर्जदार सिडको भवन येथे उपस्थित राहू शकतात. परंतु, सोडतीचे सिडकोच्या संकेतस्थळावरून थेट प्रक्षेपण होणार असल्याने अर्जदार सोडतीचा निकाल घरबसल्या पाहता येणार आहे.
सोडतीनंतर निकालाचा तपशील सिडकोच्या अधिकृत संकेतस्थळासोबतच सिडको कार्यालयामध्येही प्रसिद्ध करण्यात येणार आहे. सिडकोतर्फे खारघर, सेक्टर- ३६ येथे व्हॅलीशिल्प, खारघर सेक्टर १५ येथे वास्तुविहार सेलिब्रेशन आणि उलवे, सेक्टर १९ अ येथे उन्नती या गृहसंकुलाची निर्मिती करण्यात आली होती. या गृहप्रकल्पातील शिल्लक सदनिकांची विक्री मनपसंत गृहनिर्माण योजनेच्या माध्यमातून करण्यात आली आहे.