म. टा. वृत्तसेवा, नवी मुंबई
महाराष्ट्र विधान परिषदेच्या कोकण विभाग शिक्षक मतदारसंघातील विधान परिषद सदस्यत्वाची रिक्त जागा भरण्यासाठी येत्या ३ फेब्रुवारी रोजी मतदान होणार आहे. त्यासाठी कोकण विभाग शिक्षक मतदारसंघातील ठाणे, पालघर, रायगड, रत्नागिरी, सिंधुदूर्ग या पाच जिल्ह्यांमध्ये ४ जानेवारीपासून आचारसंहिता लागू झाली आहे. कोकण शिक्षक मतदारसंघातून विधानपरिषदेत गेलेले आमदार रामनाथ मोते यांचा कार्यकाल ५ डिसेंबर रोजी संपुष्टात आल्याने ही निवडणूक होत आहे.
१० जानेवारीला निवडणुकीची अधिसूचना प्रसिद्ध करण्यात येणार आहे. नामनिर्देशन सादर करण्यासाठी १७ जानेवारीपर्यंत मुदत देण्यात आली असून छाननी १८ जानेवारी रोजी होईल. तर, उमेदवारीअर्ज मागे घेण्याची अंतिम तारीख २० जानेवारी आहे. यानंतर प्रत्यक्ष मतदान ३ फेब्रुवारी रोजी सकाळी ८ ते दुपारी ४ वाजेपर्यंत होईल. तर, या निवडणुकीची मतमोजणी ६ फेब्रुवारी घेण्यात येणार आहे.
निवडणूक निर्णय अधिकारी म्हणून कोकण विभागीय आयुक्त, कोकण भवन (दूरध्वनी क्र. ०२२-२७५७१५०१) यांची नियुक्ती करण्यात आली आहे. तसेच, उपायुक्त (सामान्य), कोकण विभाग हे सहाय्यक निवडणूक निर्णय अधिकारी म्हणून कामकाज पाहणार आहेत.
शिक्षक मतदारसंघात ठाणे १५७३६, पालघर ५११५, रायगड १०००९, रत्नागिरी ४३२८, सिंधुदूर्ग २४५६ असे एकूण ३७६४४ मतदार आहे. भारत निवडणूक आयोगाकडील कार्यक्रमानुसार मतदारयादीची अंतिम प्रसिद्धी ७ जानेवारी रोजी होणार आहे.
दरम्यान, कोकण विभाग शिक्षक मतदार संघातील ५ जिल्हयांमध्ये एकूण ९८ मतदान केंद्र प्रस्तावित असून यामध्ये ठाणे-२१, पालघर-१३, रायगड-२८, रत्नागिरी-१७ तर सिंधुदूर्ग-१९ असे आहेत, असे निवडणूक निर्णय अधिकारी, कोकण विभाग शिक्षक मतदार संघ तथा विभागीय आयुक्त कोकण विभाग प्राभाकर देशमुख यांनी सांगितले.
पोलिस यंत्रणा सज्ज
कोकण शिक्षक विभाग मतदारसंघाची निवडणूक तसेच लवकरच जाहीर होणाऱ्या नगरपालिका, महापालिका निवडणुकांसाठी आचारसंहितेचे पालन तसेच कायदा सुव्यवस्था राखताना पोलिस यंत्रणा सज्ज झाली आहे. सर्व जिल्हा पोलिस यंत्रणांना योग्य त्या उपाययोजना करण्याचे आदेश दिल्याचे कोकण विभागाचे विशेष पोलिस महानिरीक्षक प्रशांत बुरडे यांनी दिली.
महाराष्ट्र विधान परिषदेच्या कोकण विभाग शिक्षक मतदारसंघातील विधान परिषद सदस्यत्वाची रिक्त जागा भरण्यासाठी येत्या ३ फेब्रुवारी रोजी मतदान होणार आहे. त्यासाठी कोकण विभाग शिक्षक मतदारसंघातील ठाणे, पालघर, रायगड, रत्नागिरी, सिंधुदूर्ग या पाच जिल्ह्यांमध्ये ४ जानेवारीपासून आचारसंहिता लागू झाली आहे. कोकण शिक्षक मतदारसंघातून विधानपरिषदेत गेलेले आमदार रामनाथ मोते यांचा कार्यकाल ५ डिसेंबर रोजी संपुष्टात आल्याने ही निवडणूक होत आहे.
१० जानेवारीला निवडणुकीची अधिसूचना प्रसिद्ध करण्यात येणार आहे. नामनिर्देशन सादर करण्यासाठी १७ जानेवारीपर्यंत मुदत देण्यात आली असून छाननी १८ जानेवारी रोजी होईल. तर, उमेदवारीअर्ज मागे घेण्याची अंतिम तारीख २० जानेवारी आहे. यानंतर प्रत्यक्ष मतदान ३ फेब्रुवारी रोजी सकाळी ८ ते दुपारी ४ वाजेपर्यंत होईल. तर, या निवडणुकीची मतमोजणी ६ फेब्रुवारी घेण्यात येणार आहे.
निवडणूक निर्णय अधिकारी म्हणून कोकण विभागीय आयुक्त, कोकण भवन (दूरध्वनी क्र. ०२२-२७५७१५०१) यांची नियुक्ती करण्यात आली आहे. तसेच, उपायुक्त (सामान्य), कोकण विभाग हे सहाय्यक निवडणूक निर्णय अधिकारी म्हणून कामकाज पाहणार आहेत.
शिक्षक मतदारसंघात ठाणे १५७३६, पालघर ५११५, रायगड १०००९, रत्नागिरी ४३२८, सिंधुदूर्ग २४५६ असे एकूण ३७६४४ मतदार आहे. भारत निवडणूक आयोगाकडील कार्यक्रमानुसार मतदारयादीची अंतिम प्रसिद्धी ७ जानेवारी रोजी होणार आहे.
दरम्यान, कोकण विभाग शिक्षक मतदार संघातील ५ जिल्हयांमध्ये एकूण ९८ मतदान केंद्र प्रस्तावित असून यामध्ये ठाणे-२१, पालघर-१३, रायगड-२८, रत्नागिरी-१७ तर सिंधुदूर्ग-१९ असे आहेत, असे निवडणूक निर्णय अधिकारी, कोकण विभाग शिक्षक मतदार संघ तथा विभागीय आयुक्त कोकण विभाग प्राभाकर देशमुख यांनी सांगितले.
पोलिस यंत्रणा सज्ज
कोकण शिक्षक विभाग मतदारसंघाची निवडणूक तसेच लवकरच जाहीर होणाऱ्या नगरपालिका, महापालिका निवडणुकांसाठी आचारसंहितेचे पालन तसेच कायदा सुव्यवस्था राखताना पोलिस यंत्रणा सज्ज झाली आहे. सर्व जिल्हा पोलिस यंत्रणांना योग्य त्या उपाययोजना करण्याचे आदेश दिल्याचे कोकण विभागाचे विशेष पोलिस महानिरीक्षक प्रशांत बुरडे यांनी दिली.