लग्न समारंभ आटपून गाडीत बसण्यासाठी जाणाऱ्या विवाहितेच्या गळ्यातील सुमारे ७० हजार रुपये किमतीचे सोन्याचे मंगळसूत्र मोटारसायकलवरून आलेल्या दोघा लुटारूंनी खेचून नेल्याची घटना शुक्रवारी सायंकाळी ऐरोली सेक्टर १७मध्ये घडली. नमिता उजिरकुरीया (२७) चेंबुर येथे रहाते. नमिता लग्न समारंभासाठी कुटुंबीयासह शुक्रवारी ऐरोली सेक्टर १७ भागात आली होती. लग्न समारंभ आटोपल्यानंतर नमिता कुटुंबीयांसह हॉलमधून चालत गाडीच्या दिशेने जात होती. याचवेळी मोटारसायकलवरून आलेल्या दोघा चोरांपैकी पाठीमागे बसलेल्या चोराने नमिताच्या गळ्यातील ७० हजार रुपये किमतीचे सोन्याचे मंगळसूत्र खेचून पलायन केले. रबाळे पोलिस ठाण्यात जबरी चोरीचा गुन्हा दाखल करण्यात आला आहे.
मंगळसूत्र खेचले
लग्न समारंभ आटपून गाडीत बसण्यासाठी जाणाऱ्या विवाहितेच्या गळ्यातील सुमारे ७० हजार रुपये किमतीचे सोन्याचे मंगळसूत्र मोटारसायकलवरून आलेल्या दोघा ...
30 19 Feb 2019, 4:00 am