मुंबई : आकड्यांच्या जुगाराच्या खेळात स्वत:चं वर्चस्व निर्माण करणारा मटका किंग रतन खत्री याचं शनिवारी मुंबई सेंट्रल येथील राहत्या घरी निधन झालं. तो ८८ वर्षांचा होता. गेल्या काही दिवसांपासून तो आजारी होता. कल्याण भगत याने १९६२ मध्ये 'वरळी मटका' सुरू केला. रतन खत्री यानं त्याचा मॅनेजर म्हणून कामाला सुरुवात केली. मात्र, दोनच वर्षांत भगतची साथ सोडून रतन खत्री यानं स्वत:चा 'रतन मटका' सुरू केला. एका भांड्यातून चिठ्ठी काढून खेळला जाणारा हा जुगार इतका लोकप्रिय झाला की त्याची दिवसाची उलाढाल एक कोटींपर्यंत गेली. मटक्याच्या लोकप्रियतेबरोबर रतन खत्रीचेही नाव झाले. हळूहळू मुंबईत तो 'मटका किंग' म्हणून ओळखला जाऊ लागला होता.
मटका किंग रतन खत्रीचा मृत्यू
आकड्यांच्या जुगाराच्या खेळात स्वत:चं वर्चस्व निर्माण करणारा मटका किंग रतन खत्री याचं शनिवारी मुंबई सेंट्रल येथील राहत्या घरी निधन झालं...
महाराष्ट्र टाइम्स.कॉम 11 May 2020, 4:00 am