नवी मुंबई : गर्भपाताच्या गोळ्या खाल्ल्यामुळे फेब्रुवारीमध्ये १७ वर्षीय अल्पवयीन मुलीसह तिच्या पोटात असलेल्या सात महिन्यांच्या अर्भकाचा अतिरक्तस्रावामुळे मृत्यू झाल्याची घटना कळंबोली येथे घडली होती. या मुलीवर लैंगिक अत्याचार करणारा आणि तिला गर्भपाताच्या गोळ्या देणारा अक्षय दहिफळे हा तरुण नागपूर येथे पळून गेला होता. अखेर पोलिसांनी अक्षयला त्याच्या मित्राच्या मदतीने कळंबोली येथे बोलावून घेऊन शुक्रवारी अटक केली. आरोपी अक्षय नागपूरमध्ये एका हॉटेलमध्ये वेटरचे काम करत होता. शनिवारी अक्षय याला अलिबाग येथील न्यायालयात हजर करण्यात आल्यानंतर न्यायालयाने त्याला २९ मार्चपर्यंत पोलिस कोठडी ठोठावली. अक्षयवर बलात्कारासह पोक्सो आणि विविध कलमान्वये गुन्हा दाखल केला होता. गेल्या महिनाभरापासून कळंबोली पोलिस अक्षयच्या मागावर होते.
अल्पवयीन मुलीचा मृत्यू; तरुणाला अटक
गर्भपाताच्या गोळ्या खाल्ल्यामुळे फेब्रुवारीमध्ये १७ वर्षीय अल्पवयीन मुलीसह तिच्या पोटात असलेल्या सात महिन्यांच्या अर्भकाचा अतिरक्तस्रावामुळे मृत्यू झाल्याची घटना कळंबोली येथे घडली होती.
Maharashtra Times 25 Mar 2018, 12:52 pm