अल्पवयीन मुलीवर अत्याचार

नवी मुंबई : वाशी सेक्टर ६ भागात राहणाऱ्या १३ वर्षीय मुलाने सात वर्षीय मुलीवर लैंगिक अत्याचार केल्याचा धक्कादायक प्रकार उघडकीस आला आहे. या प्रकरणी वाशी पोलिसांनी पीडित मुलीच्या आईने दिलेल्या तक्रारीवरून मुलावर बलात्कारासह पोक्सो कलमान्वये गुन्हा दाखल केला आहे. याकामी त्याच्या १० वर्षीय मित्राने मदत केल्याने पोलिसांनी त्यालाही सहआरोपी केले आहे. मंगळवारी या दोन्ही मुलांना ताब्यात घेऊन त्यांची बालसुधारगृहात रवानगी करण्यात येणार असल्याची माहिती वाशी पोलिसांनी दिली.

रविवारी सकाळी पीडित मुलीचे आई-वडील कामावर गेले असताना, ही मुलगी आण‌ि तिचा नऊ वर्षीय भाऊ हे दोघेच घरी होते. सकाळी ११च्या सुमारास भाऊ दुकानात गेला असताना ती घरी एकटीच होती. ही संधी साधून या मुलाने तिच्यावर लैंगिक अत्याचार केले. त्याचा १० वर्षीय मित्र तेव्हा घराबाहेर उभा होता. भाऊ दुकानातून येत असल्याचे पाहिल्यानंतर त्या दोघांनी तिथून पळ काढला.