मुंबई : विलेपार्ले येथील मिठीबाई कॉलेजमध्ये 'कॉलेजिअम' या सांस्कृतिक महोत्सवादरम्यान झालेल्या चेंगराचेंगरीत काही विद्यार्थी जखमी झाले असून, यातील आठ जणांना कूपर रुग्णालयात दाखल करण्यात आले. त्यातील तीन विद्यार्थी अतिदक्षता विभागात आहेत. या आठ विद्यार्थ्यांव्यतिरिक्त अन्य तीन विद्यार्थ्यांना उपचारासाठी इतर ठिकाणी नेण्यात आले आहे. याशिवाय आणखी दोन विद्यार्थ्यांपैकी एकाला छातीत लागले असून, एकाला कमरेवर मार बसला आहे. रात्री साडेदहाच्या सुमारास ही घटना घडली. महोत्सवाचे मोठ्या प्रमाणात बनावट पास बनवण्यात आल्याने गेटजवळ जास्त गर्दी झाली. त्यातून हा प्रकार घडल्याचे सांगण्यात येते. या चेंगराचेंगरीनंतर संपूर्ण महोत्सव थांबवण्यात आला.
मिठीबाई कॉलेजात चेंगराचेंगरी; ८ जखमी
विलेपार्ले येथील मिठीबाई कॉलेजमध्ये 'कॉलेजिअम' या सांस्कृतिक महोत्सवादरम्यान झालेल्या चेंगराचेंगरीत काही विद्यार्थी जखमी झाले असून, यातील आठ जणांना ...
30 21 Dec 2018, 4:00 am