परभणी - राष्ट्रवादी काँग्रेसचे परभणी जिल्हाध्यक्ष तथा आमदार बाबाजानी दुर्राणी हे सहकाऱ्यांसह भारतीय कम्युनिस्ट पक्षाचे (मार्क्सवादी ) बेगुसराय लोकसभा मतदारसंघातील उमेदवार कन्हैयाकुमार यांच्या प्रचारासाठी थेट बिहारमध्ये दाखल झाले आहेत. निवडणूका जाहीर होण्यापूर्वी संविधान बचाओ आंदोलनांतर्गत आमदार दुर्राणी यांनी परभणी जिल्ह्यात विविध ठिकाणी विद्यार्थी नेता कन्हैया कुमार यांच्या सभा आयोजित केलेल्या होत्या. या सभांना चांगला प्रतिसाद मिळाला होता. त्याचा जिल्ह्यात राष्ट्रवादी काँग्रेसचे उमेदवार राजेश विटेकर यांना कितपत फायदा होतो हे निकालानंतर कळलेच. पण परभणी लोकसभेचे मतदान संपताच कन्हैया कुमार यांच्यासाठी बाबाजानी दुर्राणी आपले सहकारी राष्ट्रवादी काँग्रेसच्या अल्पसंख्यांक सेलचे प्रदेश उपाध्यक्ष मुजाहीद खान यांच्यासह बिहारामधील बेगुसराय मतदारसंघात बुधवारपासून (२४ एप्रिल) प्रचारसभेत उपस्थिती लावत आहेत. सर्वसामान्यांच्या प्रश्नांची जाण, संविधानाच्या रक्षणासाठी लढणारा युवा नेता कन्हैया कुमार लोकसभा निवडणूक लढवत आहे. अत्यंत साधारण कुटुंबातील हा नेता देशाच्या संसदेत पोहचलाच पाहिजे अशी संविधानप्रेमी नागरिकांची इच्छा आहे. तशीच माझीही आहे. म्हणूनच कन्हैयाच्या प्रचारार्थ बेगुसराय जिल्ह्यात दाखल झालो आहे. - आमदार बाबाजानी दुर्राणी, जिल्हाध्यक्ष, राष्ट्रवादी काँग्रेस, परभणी फोटो ओळी.. भारतीय कम्युनिस्ट पक्षाचे (मार्क्सवादी) बेगुसराय लोकसभा मतदारसंघातील उमेदवार कन्हैया कुमार यांच्या प्रचारार्थ बुधवारी आयोजित अझोरपर्णा येथील सभेत बोलताना आमदार बाबाजानी दुर्राणी.
कन्हैया कुमारांच्या प्रचारासाठी आमदार दुर्राणी बिहारमध्ये
परभणी - राष्ट्रवादी काँग्रेसचे परभणी जिल्हाध्यक्ष तथा आमदार बाबाजानी दुर्राणी हे सहकाऱ्यांसह भारतीय कम्युनिस्ट पक्षाचे (मार्क्सवादी ) बेगुसराय ...
MT 26 Apr 2019, 4:00 am