म. टा. वृत्तसेवा, नवी मुंबई
सिडकोच्या महागृहनिर्माण योजनेचा लाभ अधिकाधिक लोकांपर्यंत पोहोचण्यासाठी सिडकोतर्फे सोमवारी या योजनेच्या मोबाइल अॅपचा शुभारंभ करण्यात आला.
लॅपटॉप अथवा कम्प्युटरद्वारे अर्ज करण्यासाठी अर्जदारांना इंटरनेट कॅफे अथवा तत्सम ठिकाणी जाऊन ऑनलाइन फॉर्म नोंदणीची प्रक्रिया करावी लागते. आहे. परंतु, या मोबाईल अॅपच्या माध्यमातून इच्छुक अर्जदार कोठेही आणि कोणत्याही वेळी नोंदणीपासून अनामत रक्कमेचा भरणा करेपर्यंत सर्व प्रक्रिया अगदी सहज आणि सुलभपणे करू शकतात.
हे अॅप अॅन्ड्रॉइड मोबाइलधारकांना गुगल प्ले स्टोअरमध्ये 'सिडको ऑनलाइन २०१८' नावाने उपलब्ध असून, प्रोबेटी सॉफ्ट यांच्याद्वारे हे अॅप तयार करण्यात आले आहे. तसेच, या गृहनिर्माण योजनेत अर्ज करण्यासाठी आवश्यक प्रक्रिया वा स्वत:चा फोटो काढणे, आधारकार्ड, पॅनकार्ड अथवा धनादेशाची माहिती स्कॅन करून अपलोड करणे या मोबाइल अॅपमुळे करता येणे सहज शक्य होणार आहे. याशिवाय, वेब अॅप्लिकेशनच्या तुलनेत मोबाइल अॅपवर नोंदणीचा ओटीपी तत्काळ प्राप्त होतो. तसेच, इंटरनेट कॅफेसारख्या सार्वजनिक वेब अॅप्लिकेशनच्या तुलनेत मोबाइल ऍपद्वारे अर्जाचे शुल्क आणि अनामत रक्कम भरणे अधिक सुरक्षित आहे, असे व्यवस्थापकीय संचालक लोकेश चंद्र यांनी सांगितले. सिडकोच्या १४ हजार ८३८ घरांसाठी सोमवारपर्यंत ८२ हजार २३१ अर्जदारांनी अर्ज पूर्ण भरून दिले आहेत.
सिडकोच्या महागृहनिर्माण योजनेचा लाभ अधिकाधिक लोकांपर्यंत पोहोचण्यासाठी सिडकोतर्फे सोमवारी या योजनेच्या मोबाइल अॅपचा शुभारंभ करण्यात आला.
लॅपटॉप अथवा कम्प्युटरद्वारे अर्ज करण्यासाठी अर्जदारांना इंटरनेट कॅफे अथवा तत्सम ठिकाणी जाऊन ऑनलाइन फॉर्म नोंदणीची प्रक्रिया करावी लागते. आहे. परंतु, या मोबाईल अॅपच्या माध्यमातून इच्छुक अर्जदार कोठेही आणि कोणत्याही वेळी नोंदणीपासून अनामत रक्कमेचा भरणा करेपर्यंत सर्व प्रक्रिया अगदी सहज आणि सुलभपणे करू शकतात.
हे अॅप अॅन्ड्रॉइड मोबाइलधारकांना गुगल प्ले स्टोअरमध्ये 'सिडको ऑनलाइन २०१८' नावाने उपलब्ध असून, प्रोबेटी सॉफ्ट यांच्याद्वारे हे अॅप तयार करण्यात आले आहे. तसेच, या गृहनिर्माण योजनेत अर्ज करण्यासाठी आवश्यक प्रक्रिया वा स्वत:चा फोटो काढणे, आधारकार्ड, पॅनकार्ड अथवा धनादेशाची माहिती स्कॅन करून अपलोड करणे या मोबाइल अॅपमुळे करता येणे सहज शक्य होणार आहे. याशिवाय, वेब अॅप्लिकेशनच्या तुलनेत मोबाइल अॅपवर नोंदणीचा ओटीपी तत्काळ प्राप्त होतो. तसेच, इंटरनेट कॅफेसारख्या सार्वजनिक वेब अॅप्लिकेशनच्या तुलनेत मोबाइल ऍपद्वारे अर्जाचे शुल्क आणि अनामत रक्कम भरणे अधिक सुरक्षित आहे, असे व्यवस्थापकीय संचालक लोकेश चंद्र यांनी सांगितले. सिडकोच्या १४ हजार ८३८ घरांसाठी सोमवारपर्यंत ८२ हजार २३१ अर्जदारांनी अर्ज पूर्ण भरून दिले आहेत.