म. टा. वृत्तसेवा, नवी मुंबई
रबाळे येथील गोठीवली गावात रहाणाऱ्या आई आणि मुलाने रहात्या घरामध्ये गळफास घेऊन आत्महत्या केल्याची खळबळजनक घटना उघडकीस आली आहे. रेखा सिंग (५८) आणि सूरज सिंग (३५) असे आत्महत्या केलेल्या आई व मुलाचे नाव आहे. या आत्महत्येमागचे कारण स्पष्ट झाले नसले तरी सुरज सिंग हा गेल्या सहा-सात वर्षांपासून फुप्फुसाच्या कॅन्सरने त्रस्त होता. यातून त्याने आत्महत्या केली असावी, अशी शक्यता व्यक्त करण्यात येत आहे. मात्र त्याच्या आईने आत्महत्या का केली, हे स्पष्ट होऊ शकले नसल्याचे पोलिसांनी सांगितले.
रेखा सिंग या मुलगा सूरज सिंग, मुलगी प्रेरणा सिंग (३०) यांच्यासोबत गोठीवली सेक्टर-२९ सी मधील नेवा रेसिडेन्सी इमारतीत रहात होत्या. प्रेरणा ऐरोलीतील एसेंचर या आयटी कंपनीमध्ये कामाला होती. मात्र सूरज सिंग हा आजारपणामुळे घरीच होता. बुधवारी रात्री हे तिघेही जेवण केल्यानंतर झोपी गेले. मात्र पहाटेच्या सुमारस सूरज सिंग आणि त्याची आई रेखा सिंग या दोघांनी गळफास घेऊन आत्महत्या केली. सकाळी आठ वाजता प्रेरणा झोपेतून उठल्यानंतर आई व भावाने गळफास घेऊन आत्महत्या केल्याचे तिच्या निदर्शनास आले. रबाळे पोलिसांनी घटनास्थळी धाव घेऊन दोन्ही मृतदेह ताब्यात घेऊन शवविच्छेदनासाठी पाठवून दिले. रेखा सिंग यांनी आत्महत्येपूर्वी लिहून ठेवलेली चिठ्ठी पोलिसांना सापडली असून त्यात रेखा सिंग यांनी मुलगी प्रेरणा सिंग हिला उद्देशून आपल्या अस्थीचे विसर्जन बनारस येथे करण्यास सांगितले आहे.
सूरज हा गेल्या सहा ते सात वर्षांपासून फुप्फुसांच्या आजाराने त्रस्त होता. त्यामुळे त्याने आजारपणाला कंटाळून आत्महत्या केल्याचा अंदाज व्यक्त करण्यात येत आहे. मात्र त्याच्या आईने आत्महत्या का केली, हे स्पष्ट होऊ शकले नसल्याचे रबाळे पोलिस ठाण्याचे वरिष्ठ पोलीस निरीक्षक संजय गोडसे यांनी सांगितले.
रबाळे येथील गोठीवली गावात रहाणाऱ्या आई आणि मुलाने रहात्या घरामध्ये गळफास घेऊन आत्महत्या केल्याची खळबळजनक घटना उघडकीस आली आहे. रेखा सिंग (५८) आणि सूरज सिंग (३५) असे आत्महत्या केलेल्या आई व मुलाचे नाव आहे. या आत्महत्येमागचे कारण स्पष्ट झाले नसले तरी सुरज सिंग हा गेल्या सहा-सात वर्षांपासून फुप्फुसाच्या कॅन्सरने त्रस्त होता. यातून त्याने आत्महत्या केली असावी, अशी शक्यता व्यक्त करण्यात येत आहे. मात्र त्याच्या आईने आत्महत्या का केली, हे स्पष्ट होऊ शकले नसल्याचे पोलिसांनी सांगितले.
रेखा सिंग या मुलगा सूरज सिंग, मुलगी प्रेरणा सिंग (३०) यांच्यासोबत गोठीवली सेक्टर-२९ सी मधील नेवा रेसिडेन्सी इमारतीत रहात होत्या. प्रेरणा ऐरोलीतील एसेंचर या आयटी कंपनीमध्ये कामाला होती. मात्र सूरज सिंग हा आजारपणामुळे घरीच होता. बुधवारी रात्री हे तिघेही जेवण केल्यानंतर झोपी गेले. मात्र पहाटेच्या सुमारस सूरज सिंग आणि त्याची आई रेखा सिंग या दोघांनी गळफास घेऊन आत्महत्या केली. सकाळी आठ वाजता प्रेरणा झोपेतून उठल्यानंतर आई व भावाने गळफास घेऊन आत्महत्या केल्याचे तिच्या निदर्शनास आले. रबाळे पोलिसांनी घटनास्थळी धाव घेऊन दोन्ही मृतदेह ताब्यात घेऊन शवविच्छेदनासाठी पाठवून दिले. रेखा सिंग यांनी आत्महत्येपूर्वी लिहून ठेवलेली चिठ्ठी पोलिसांना सापडली असून त्यात रेखा सिंग यांनी मुलगी प्रेरणा सिंग हिला उद्देशून आपल्या अस्थीचे विसर्जन बनारस येथे करण्यास सांगितले आहे.
सूरज हा गेल्या सहा ते सात वर्षांपासून फुप्फुसांच्या आजाराने त्रस्त होता. त्यामुळे त्याने आजारपणाला कंटाळून आत्महत्या केल्याचा अंदाज व्यक्त करण्यात येत आहे. मात्र त्याच्या आईने आत्महत्या का केली, हे स्पष्ट होऊ शकले नसल्याचे रबाळे पोलिस ठाण्याचे वरिष्ठ पोलीस निरीक्षक संजय गोडसे यांनी सांगितले.