म. टा. वृत्तसेवा, नवी मुंबई
नवी मुंबई परिवहन उपक्रमाच्या माध्यमातून प्रवाशांना योग्य सोयीसुविधा उपलब्ध करून देण्याच्यादृष्टीने एनएमएमटीच्या ताफ्यात आता आणखी नवीन २० नवीन बसची भर पडणार आहे. त्यामध्ये १० बस वातानुकूलित आणि १० बस सीएनजीवर चालणाऱ्या आहेत. त्यामुळे एनएमएमटीच्या बसची संख्या वाढणार आहे. या बस आहे त्याच मार्गावर चालवल्या जाणार आहेत. त्यामुळे नवी मुंबईतील प्रवाशांना अधिक चांगली बससेवा देता येणार असल्याचा विश्वास परिवहन उपक्रमाने व्यक्त केला.
एनएमएमटीच्या बस विविध मार्गांवर बंद पडत असल्यामुळे त्याचा प्रवाशांना नाहक त्रास होत असतो. त्यामुळे प्रवासी एनएमएमटी बसने प्रवास करण्याचे टाळत असतात. त्यासाठी परिवहन उपक्रमाने आता एनएमएमटीच्या ताफ्यातील आयुष्य संपलेल्या ३० बस भंगारात काढल्या. सध्या एनएमएमटीच्या ताफ्यात ४०० बस आहेत. यात ७० बस वातानुकूलित आहेत. वर्षभरापूर्वी एनएमएमटीच्या ताफ्यात अनुदानातून १२५ बस घेण्याचे ठरले होते. टप्प्याटप्प्याने या बस एनएमएमटीमध्ये दाखल होणार आहेत. अजून ६० बस येणे बाकी आहे. त्यातील १० व्होल्वो आणि १० साध्या बस या आठवडाभरात दाखल होण्याची शक्यता परिवहन उपक्रमाने व्यक्त केली.
बसच्या फेऱ्या वाढणार
या नवीन बस आल्यानंतर सध्याच्या कार्यरत असणाऱ्या बसच्या मार्गावर या बस चालवल्या जाणार आहेत. प्रवाशांसाठी बसच्या फेऱ्या वाढणार असून बस थांब्यावर वाट पाहावी लागणार नाही. अनेक मार्गांवर दोन बस सुटण्यामधील अंतर जास्त आहे. हे अंतर नवीन बसच्या येण्याने अधिक कमी करता येणार आहे. तसेच जुन्या झालेल्या बसमधून प्रवाशांची सुटका होणार आहे.
नवी मुंबई परिवहन उपक्रमाच्या माध्यमातून प्रवाशांना योग्य सोयीसुविधा उपलब्ध करून देण्याच्यादृष्टीने एनएमएमटीच्या ताफ्यात आता आणखी नवीन २० नवीन बसची भर पडणार आहे. त्यामध्ये १० बस वातानुकूलित आणि १० बस सीएनजीवर चालणाऱ्या आहेत. त्यामुळे एनएमएमटीच्या बसची संख्या वाढणार आहे. या बस आहे त्याच मार्गावर चालवल्या जाणार आहेत. त्यामुळे नवी मुंबईतील प्रवाशांना अधिक चांगली बससेवा देता येणार असल्याचा विश्वास परिवहन उपक्रमाने व्यक्त केला.
एनएमएमटीच्या बस विविध मार्गांवर बंद पडत असल्यामुळे त्याचा प्रवाशांना नाहक त्रास होत असतो. त्यामुळे प्रवासी एनएमएमटी बसने प्रवास करण्याचे टाळत असतात. त्यासाठी परिवहन उपक्रमाने आता एनएमएमटीच्या ताफ्यातील आयुष्य संपलेल्या ३० बस भंगारात काढल्या. सध्या एनएमएमटीच्या ताफ्यात ४०० बस आहेत. यात ७० बस वातानुकूलित आहेत. वर्षभरापूर्वी एनएमएमटीच्या ताफ्यात अनुदानातून १२५ बस घेण्याचे ठरले होते. टप्प्याटप्प्याने या बस एनएमएमटीमध्ये दाखल होणार आहेत. अजून ६० बस येणे बाकी आहे. त्यातील १० व्होल्वो आणि १० साध्या बस या आठवडाभरात दाखल होण्याची शक्यता परिवहन उपक्रमाने व्यक्त केली.
बसच्या फेऱ्या वाढणार
या नवीन बस आल्यानंतर सध्याच्या कार्यरत असणाऱ्या बसच्या मार्गावर या बस चालवल्या जाणार आहेत. प्रवाशांसाठी बसच्या फेऱ्या वाढणार असून बस थांब्यावर वाट पाहावी लागणार नाही. अनेक मार्गांवर दोन बस सुटण्यामधील अंतर जास्त आहे. हे अंतर नवीन बसच्या येण्याने अधिक कमी करता येणार आहे. तसेच जुन्या झालेल्या बसमधून प्रवाशांची सुटका होणार आहे.