विमानतळाच्या भरावाला ग्रामस्थांचा विरोध
म. टा. वृत्तसेवा, पनवेल
प्रस्तावित नवी मुंबई विमानतळाच्या भरावाच्या कामाचे भूमिपूजन करण्यासाठी आलेले सिडकोचे व्यवस्थापकीय संचालक भूषण गगराणी, माजी खासदार रामशेठ ठाकूर, शेकाप नेते जे. एम. म्हात्रे यांना स्थानिक ग्रामस्थांनी केलेल्या विरोधामुळे धावतपळत भूमिपूजन करून पळ काढावा लागला. त्यामुळे विमानतळाच्या कामाला प्रकल्पग्रस्तांचा विरोध नाही, हा सिडकोचा दावा खोटा ठरला आहे. शुक्रवारी सकाळी पनवेल तालुक्यातील खालचा गाव परिसरात हा भूमिपूजनाचा कार्यक्रम आयोजित केला होता.
पनवेल तालुक्यात होऊ घातलेल्या प्रस्तावित नवी मुंबई विमानतळाच्या जमिनीचे हस्तांतरण झाले असून सिडकोने भरावाच्या कामांना सुरुवात केली आहे. ठाकूर इन्फ्राप्रोजेक्ट आणि जे. एम. म्हात्रे इन्फ्राप्रोजेक्ट या दोन स्थानिक नेत्यांच्या कंपन्यांना भरावाचे काम भागिदारीत देण्यात आले आहे. गुरुवारी वरचा ओवळा येथे भरावाचे काम कोणताही गाजावाजा न करता सुरू करण्याचा प्रयत्न सिडकोकडून झाला. मात्र ओवळा गावातील प्रकल्पग्रस्तांनी विरोध केल्याने हे काम बंद करून कंत्राटदारांना गाशा गुंडाळावा लागला. तरीही दुसऱ्याच दिवशी म्हणजे शुक्रवारी खालचा ओवळा भागात दुसऱ्या टप्प्यातील विमानतळाचा मुख्य गाभा असलेल्या ठिकाणच्या भूमिपूजनाच्या कामाचे उद्घाटन करण्यासाठी मंडप टाकण्यात आला. माजी खासदार रामशेठ ठाकूर, शेकाप नेते जे. एम. म्हात्रे आणि सिडकोचे व्यवस्थापकीय संचालक भूषण गगराणी आल्याचे समजताच भूमिपूजनस्थळी स्थानिक पोहचले.
विरोधाची चाहूल पोलिसांना असल्यामुळे मोठ्या प्रमाणात पोलिस बंदोबस्त ठेवण्यात आला होता. स्थानिकांनी नेत्यांच्या विरोधात जोरदार घोषणाबाजी, शिविगाळ सुरू केल्यामुळे व्यासपीठावर न चढताच गगराणी यांच्या हस्ते घाईघाईत नारळ फोडून सगळ्यांनी लागलीच पळ काढला. भाषणबाजी न करताच सिडकोला हा कार्यक्रम गुंडाळावा लागला. यावेळी प्रकल्पग्रस्तांनी माजी खासदार रामशेठ ठाकूर यांच्या विरोधात मुर्दाबादच्या घोषणा दिल्या, ठाकूर यांनी स्थानिकांना सामोरे जाण्याचा प्रयत्न केला मात्र ग्रामस्थांचा आक्रमक पवित्रा पाहून त्यांनी काढता पाय घेतला.
विरोधामुळे भूमिपूजन करूनही काम सुरू केले नाही. विमानतळाचा बाधित झालेल्या ग्रामस्थांना विस्थापित होणार असल्याने भूखंड वाटप झाले असले तरी तिथे पाणी, वीज पोहोचलेली नाही, भूखंड विकसित करण्यात आलेले नाहीत, अशी माहिती स्थानिक प्रकल्पग्रस्त प्रेम पाटील यांनी दिली. तरीही सिडको भरावाच्या कामाला सुरुवात करते आहे, म्हणून शुक्रवारपासून सुरू होणाऱ्या कामाला ओवळा, वाघिवली वाडा या गावांतील नागरिकांनी तीव्र विरोध केला.
आमचा सरकारच्या प्रकल्पाला विरोध अजिबात नाही, परंतु सिडकोने मान्य केल्याप्रमाणे पुनर्वसन ठिकाणी पूर्णपणे मुलभूत सुविधा दिल्या जात नाहीत, तोपर्यंत विमानतळाचे काम सुरू करू देणार नाही. सिडकोने आणि राजकारण्यांनी आमची फसवणूक केली आहे. आता पुन्हा अशी फसवणूक होऊ देणार नाही. आंदोलनाचीही आमची तयारी आहे.
कांचन घरत, अध्यक्ष, कार्यकारी ग्रामस्थ मंडळ, वरचा ओवळा
म. टा. वृत्तसेवा, पनवेल
प्रस्तावित नवी मुंबई विमानतळाच्या भरावाच्या कामाचे भूमिपूजन करण्यासाठी आलेले सिडकोचे व्यवस्थापकीय संचालक भूषण गगराणी, माजी खासदार रामशेठ ठाकूर, शेकाप नेते जे. एम. म्हात्रे यांना स्थानिक ग्रामस्थांनी केलेल्या विरोधामुळे धावतपळत भूमिपूजन करून पळ काढावा लागला. त्यामुळे विमानतळाच्या कामाला प्रकल्पग्रस्तांचा विरोध नाही, हा सिडकोचा दावा खोटा ठरला आहे. शुक्रवारी सकाळी पनवेल तालुक्यातील खालचा गाव परिसरात हा भूमिपूजनाचा कार्यक्रम आयोजित केला होता.
पनवेल तालुक्यात होऊ घातलेल्या प्रस्तावित नवी मुंबई विमानतळाच्या जमिनीचे हस्तांतरण झाले असून सिडकोने भरावाच्या कामांना सुरुवात केली आहे. ठाकूर इन्फ्राप्रोजेक्ट आणि जे. एम. म्हात्रे इन्फ्राप्रोजेक्ट या दोन स्थानिक नेत्यांच्या कंपन्यांना भरावाचे काम भागिदारीत देण्यात आले आहे. गुरुवारी वरचा ओवळा येथे भरावाचे काम कोणताही गाजावाजा न करता सुरू करण्याचा प्रयत्न सिडकोकडून झाला. मात्र ओवळा गावातील प्रकल्पग्रस्तांनी विरोध केल्याने हे काम बंद करून कंत्राटदारांना गाशा गुंडाळावा लागला. तरीही दुसऱ्याच दिवशी म्हणजे शुक्रवारी खालचा ओवळा भागात दुसऱ्या टप्प्यातील विमानतळाचा मुख्य गाभा असलेल्या ठिकाणच्या भूमिपूजनाच्या कामाचे उद्घाटन करण्यासाठी मंडप टाकण्यात आला. माजी खासदार रामशेठ ठाकूर, शेकाप नेते जे. एम. म्हात्रे आणि सिडकोचे व्यवस्थापकीय संचालक भूषण गगराणी आल्याचे समजताच भूमिपूजनस्थळी स्थानिक पोहचले.
विरोधाची चाहूल पोलिसांना असल्यामुळे मोठ्या प्रमाणात पोलिस बंदोबस्त ठेवण्यात आला होता. स्थानिकांनी नेत्यांच्या विरोधात जोरदार घोषणाबाजी, शिविगाळ सुरू केल्यामुळे व्यासपीठावर न चढताच गगराणी यांच्या हस्ते घाईघाईत नारळ फोडून सगळ्यांनी लागलीच पळ काढला. भाषणबाजी न करताच सिडकोला हा कार्यक्रम गुंडाळावा लागला. यावेळी प्रकल्पग्रस्तांनी माजी खासदार रामशेठ ठाकूर यांच्या विरोधात मुर्दाबादच्या घोषणा दिल्या, ठाकूर यांनी स्थानिकांना सामोरे जाण्याचा प्रयत्न केला मात्र ग्रामस्थांचा आक्रमक पवित्रा पाहून त्यांनी काढता पाय घेतला.
विरोधामुळे भूमिपूजन करूनही काम सुरू केले नाही. विमानतळाचा बाधित झालेल्या ग्रामस्थांना विस्थापित होणार असल्याने भूखंड वाटप झाले असले तरी तिथे पाणी, वीज पोहोचलेली नाही, भूखंड विकसित करण्यात आलेले नाहीत, अशी माहिती स्थानिक प्रकल्पग्रस्त प्रेम पाटील यांनी दिली. तरीही सिडको भरावाच्या कामाला सुरुवात करते आहे, म्हणून शुक्रवारपासून सुरू होणाऱ्या कामाला ओवळा, वाघिवली वाडा या गावांतील नागरिकांनी तीव्र विरोध केला.
आमचा सरकारच्या प्रकल्पाला विरोध अजिबात नाही, परंतु सिडकोने मान्य केल्याप्रमाणे पुनर्वसन ठिकाणी पूर्णपणे मुलभूत सुविधा दिल्या जात नाहीत, तोपर्यंत विमानतळाचे काम सुरू करू देणार नाही. सिडकोने आणि राजकारण्यांनी आमची फसवणूक केली आहे. आता पुन्हा अशी फसवणूक होऊ देणार नाही. आंदोलनाचीही आमची तयारी आहे.
कांचन घरत, अध्यक्ष, कार्यकारी ग्रामस्थ मंडळ, वरचा ओवळा