म. टा. वृत्तसेवा, नवी मुंबई
नवी मुंबई पोलिसांची वेबसाइट अज्ञात व्यक्तीने हॅक करून त्यामध्ये छेडछाड करण्याचा प्रयत्न केल्याची घटना उघडकीस आली आहे. १ जुलै रोजी घडलेल्या या घटनेप्रकरणी नवी मुंबई पोलिसांनी सायबर सेलच्या माध्यमातून अज्ञात व्यक्तीविरोधात सीबीडी पोलिस ठाण्यात गुन्हा दाखल करून वेबसाइट हॅक करणाऱ्यांचा शोध सुरू केला आहे. परदेशातील व्यक्तीकडून ही वेबसाइट हॅक करण्यात आल्याचे प्राथमिक तपासात आढळून येत आहे.
सुमारे अर्धा तास हॅक करण्यात आलेली नवी मुंबई पोलिसांची वेबसाइट कंपनीमार्फत पूर्ववत करण्यात आली आहे. मात्र या घटनेपासून धसका घेतलेल्या नवी मुंबई पोलिसांनी भविष्यात अशा प्रकारची घटना घडू नये म्हणून वेबसाइट अधिक सुरक्षित करण्याच्या दृष्टीने सिक्युरिटी ऑडिट करण्याचा निर्णय घेतला असल्याचे गुन्हे शाखेचे पोलिस उपायुक्त तुषार दोषी यांनी सांगितले.
नवी मुंबई पोलिसांनी वर्षभरापूर्वी ही वेबसाइट सुरू केली आहे. १ जुलै रोजी सकाळी सात ते साडेसात या कालावधीत अज्ञात व्यक्तीने ही वेबसाइट हॅक केली होती. त्यावेळी हॅकरने या वेबसाइटवर काही फोटो तसेच गाणी अपलोड करून वेबसाइटमध्ये छेडछाड करण्याचा प्रयत्न केला. वेबसाइटमध्ये दैनंदिन अपडेट करणाऱ्या पोलिसांना हा प्रकार निदर्शनास आल्यानंतर त्यांनी तत्काळ याबाबतची माहिती वरिष्ठांना तसेच वेबसाइट बनविणाऱ्या कंपनीला दिली. त्यानंतर कंपनीने ही वेबसाइट पूर्ववत केली. नवी मुंबई पोलिसांनी सायबर सेलच्या माध्यमातून वेबसाइट हॅक करणाऱ्या अज्ञात व्यक्तीविरोधात सीबीडी पोलिस ठाण्यात गुन्हा दाखल केला.
नवी मुंबई पोलिसांच्या वेबसाइटवर कुठल्याही प्रकारची गोपनीय माहिती नसल्याने त्याच्यातील माहितीचा वापर करून त्याचा गैरवापर होण्याची शक्यता नसल्याचे पोलिसांचे म्हणणे आहे.
नवी मुंबई पोलिसांची वेबसाइट अज्ञात व्यक्तीने हॅक करून त्यामध्ये छेडछाड करण्याचा प्रयत्न केल्याची घटना उघडकीस आली आहे. १ जुलै रोजी घडलेल्या या घटनेप्रकरणी नवी मुंबई पोलिसांनी सायबर सेलच्या माध्यमातून अज्ञात व्यक्तीविरोधात सीबीडी पोलिस ठाण्यात गुन्हा दाखल करून वेबसाइट हॅक करणाऱ्यांचा शोध सुरू केला आहे. परदेशातील व्यक्तीकडून ही वेबसाइट हॅक करण्यात आल्याचे प्राथमिक तपासात आढळून येत आहे.
सुमारे अर्धा तास हॅक करण्यात आलेली नवी मुंबई पोलिसांची वेबसाइट कंपनीमार्फत पूर्ववत करण्यात आली आहे. मात्र या घटनेपासून धसका घेतलेल्या नवी मुंबई पोलिसांनी भविष्यात अशा प्रकारची घटना घडू नये म्हणून वेबसाइट अधिक सुरक्षित करण्याच्या दृष्टीने सिक्युरिटी ऑडिट करण्याचा निर्णय घेतला असल्याचे गुन्हे शाखेचे पोलिस उपायुक्त तुषार दोषी यांनी सांगितले.
नवी मुंबई पोलिसांनी वर्षभरापूर्वी ही वेबसाइट सुरू केली आहे. १ जुलै रोजी सकाळी सात ते साडेसात या कालावधीत अज्ञात व्यक्तीने ही वेबसाइट हॅक केली होती. त्यावेळी हॅकरने या वेबसाइटवर काही फोटो तसेच गाणी अपलोड करून वेबसाइटमध्ये छेडछाड करण्याचा प्रयत्न केला. वेबसाइटमध्ये दैनंदिन अपडेट करणाऱ्या पोलिसांना हा प्रकार निदर्शनास आल्यानंतर त्यांनी तत्काळ याबाबतची माहिती वरिष्ठांना तसेच वेबसाइट बनविणाऱ्या कंपनीला दिली. त्यानंतर कंपनीने ही वेबसाइट पूर्ववत केली. नवी मुंबई पोलिसांनी सायबर सेलच्या माध्यमातून वेबसाइट हॅक करणाऱ्या अज्ञात व्यक्तीविरोधात सीबीडी पोलिस ठाण्यात गुन्हा दाखल केला.
नवी मुंबई पोलिसांच्या वेबसाइटवर कुठल्याही प्रकारची गोपनीय माहिती नसल्याने त्याच्यातील माहितीचा वापर करून त्याचा गैरवापर होण्याची शक्यता नसल्याचे पोलिसांचे म्हणणे आहे.