म. टा. वृत्तसेवा, नवी मुंबई
नवी मुंबई महापालिकेतील कंत्राटी कामगारांना किमान वेतनानुसार वेतन देण्याच्या प्रस्तावाला शुक्रवारच्या स्थायी समितीच्या बैठकीत मंजुरी देण्यात आली. यावेळी कंत्राटी कामगारांमध्ये कुशल, अकुशल व अर्धकुशल असा भेद न करता सरसकट तीन हजार ८० रुपये विशेष भत्ता देण्याचा निर्णयही घेण्यात आला. त्यामुळे आता ‘समान काम समान वेतन’ धोरणाऐवजी किमान वेतन धोरण महापालिकेत अंमलात येणार आहे. तसेच, मागील २५ महिन्यांच्या वेतनातील फरकाची रक्कमही कामगारांना मिळणार आहे.
नवी मुंबई महापालिकेच्या पाणी पुरवठा, मलनि:सारण विभाग, घनकचरा, आरोग्य आदी विभागांमध्ये शेकडो कंत्राटी कामगार आहेत. त्यांना अल्प वेतन असल्यामुळे महापालिकेच्या कायम सेवेत असलेले चतुर्थश्रेणी व अन्य श्रेणीत कार्यरत असलेल्या कामगारांना मिळणाऱ्या वेतन आयोगानुसार वेतन व भत्त्याप्रमाणे कंत्राटी कामगारांनाही वेतन देण्याची मागणी करण्यात आली होती. महापालिकेच्या सभेने किमान वेतनाला मंजुरी देऊनही प्रशासनाकडून कंत्राटी कामगारांना किमान वेतनानुसार पगार देण्यात टाळाटाळ होत होती. गेल्या आठवड्यात घनकचरा विभागातील कंत्राटी कामगारांनी संप पुकारल्याने पालिका प्रशासनाला अखेर जाग आली. प्रशासनाने कंत्राटी कामगारांमध्ये कुशल, अर्धकुशल व अकुशल असा भेदभाव न करता सरसकट ३०८० विशेष भत्ता लागू करावा, यांसारख्या मागणीसह प्रशासनाच्या किमान वेतन प्रस्तावाला मंजुरी देण्यात आली.
नवी मुंबई महापालिकेतील कंत्राटी कामगारांना किमान वेतनानुसार वेतन देण्याच्या प्रस्तावाला शुक्रवारच्या स्थायी समितीच्या बैठकीत मंजुरी देण्यात आली. यावेळी कंत्राटी कामगारांमध्ये कुशल, अकुशल व अर्धकुशल असा भेद न करता सरसकट तीन हजार ८० रुपये विशेष भत्ता देण्याचा निर्णयही घेण्यात आला. त्यामुळे आता ‘समान काम समान वेतन’ धोरणाऐवजी किमान वेतन धोरण महापालिकेत अंमलात येणार आहे. तसेच, मागील २५ महिन्यांच्या वेतनातील फरकाची रक्कमही कामगारांना मिळणार आहे.
नवी मुंबई महापालिकेच्या पाणी पुरवठा, मलनि:सारण विभाग, घनकचरा, आरोग्य आदी विभागांमध्ये शेकडो कंत्राटी कामगार आहेत. त्यांना अल्प वेतन असल्यामुळे महापालिकेच्या कायम सेवेत असलेले चतुर्थश्रेणी व अन्य श्रेणीत कार्यरत असलेल्या कामगारांना मिळणाऱ्या वेतन आयोगानुसार वेतन व भत्त्याप्रमाणे कंत्राटी कामगारांनाही वेतन देण्याची मागणी करण्यात आली होती. महापालिकेच्या सभेने किमान वेतनाला मंजुरी देऊनही प्रशासनाकडून कंत्राटी कामगारांना किमान वेतनानुसार पगार देण्यात टाळाटाळ होत होती. गेल्या आठवड्यात घनकचरा विभागातील कंत्राटी कामगारांनी संप पुकारल्याने पालिका प्रशासनाला अखेर जाग आली. प्रशासनाने कंत्राटी कामगारांमध्ये कुशल, अर्धकुशल व अकुशल असा भेदभाव न करता सरसकट ३०८० विशेष भत्ता लागू करावा, यांसारख्या मागणीसह प्रशासनाच्या किमान वेतन प्रस्तावाला मंजुरी देण्यात आली.