म. टा. वृत्तसेवा, पनवेल
तीन स्वीकृत सदस्यांची निवड भाजपने केली असून त्यांचे अर्ज गुरुवारी भरण्यात आले. शेकाप महाआघाडीच्या वाट्याला आलेल्या दोन सदस्यांसाठी शेकापने चार अर्ज दाखल केल्याने स्वीकृत सदस्यांची निवड केली नाही.
महापालिकेत ७८पैकी ५१ भाजपचे नगरसेवक निवडून आल्यामुळे त्यांच्या वाटेला तीन स्वीकृत सदस्यांच्या जागा आल्या तर शेकाप, काँग्रेस आणि राष्ट्रवादी महाआघाडीच्या वाट्याला दोन जागा आल्या आहेत. माजी खासदार रामशेठ ठाकूर यांचे पुत्र, आमदार प्रशांत ठाकूर यांचे बंधू परेश ठाकूर यांच्यासाठी स्वत:चा उमेदवारी अर्ज मागे घेणारे अनिल भगत यांना स्वीकृत सदस्य म्हणून निवडण्याचे ठरले. तर, शेकापचे शहर चिटणीस, माजी नगराध्यक्ष जे. एम. म्हात्रे याचे पुत्र गटनेते प्रीतम म्हात्रे या बलाढ्य उमेदवाराला टक्कर देणारे भाजप शहर चिटणीस नितीन पाटील यांना स्वीकृत नगरसेवकपद देऊन बक्षीस दिले आहे. कामोठे ग्रामपंचायतीचे माजी सदस्य विजय चिपळेकर यांची वर्णीदेखील लागली. शेकापने दोन सदस्यांसाठी चार अर्ज भरले. तिकीट न मिळालेले माजी नगरसेवक गणेश कडू, पंचायत समितीचे माजी सभापती प्रमोद भगत, गुरुनाथ गायकर आणि महापालिका निवडणुकीतील सर्वांत श्रीमंत उमेदवार परेश ठाकूर यांच्या विरोधात उभे राहिलेले बाळाराम पाटील यांनी अर्ज भरला आहे. १० जूनला होणाऱ्या पहिल्या विशेष सभेत गटनेता दोन नावे अंतिम करेल, त्यानुसार चौघांपैकी दोघांची निवड अंतिम होईल.
तीन स्वीकृत सदस्यांची निवड भाजपने केली असून त्यांचे अर्ज गुरुवारी भरण्यात आले. शेकाप महाआघाडीच्या वाट्याला आलेल्या दोन सदस्यांसाठी शेकापने चार अर्ज दाखल केल्याने स्वीकृत सदस्यांची निवड केली नाही.
महापालिकेत ७८पैकी ५१ भाजपचे नगरसेवक निवडून आल्यामुळे त्यांच्या वाटेला तीन स्वीकृत सदस्यांच्या जागा आल्या तर शेकाप, काँग्रेस आणि राष्ट्रवादी महाआघाडीच्या वाट्याला दोन जागा आल्या आहेत. माजी खासदार रामशेठ ठाकूर यांचे पुत्र, आमदार प्रशांत ठाकूर यांचे बंधू परेश ठाकूर यांच्यासाठी स्वत:चा उमेदवारी अर्ज मागे घेणारे अनिल भगत यांना स्वीकृत सदस्य म्हणून निवडण्याचे ठरले. तर, शेकापचे शहर चिटणीस, माजी नगराध्यक्ष जे. एम. म्हात्रे याचे पुत्र गटनेते प्रीतम म्हात्रे या बलाढ्य उमेदवाराला टक्कर देणारे भाजप शहर चिटणीस नितीन पाटील यांना स्वीकृत नगरसेवकपद देऊन बक्षीस दिले आहे. कामोठे ग्रामपंचायतीचे माजी सदस्य विजय चिपळेकर यांची वर्णीदेखील लागली. शेकापने दोन सदस्यांसाठी चार अर्ज भरले. तिकीट न मिळालेले माजी नगरसेवक गणेश कडू, पंचायत समितीचे माजी सभापती प्रमोद भगत, गुरुनाथ गायकर आणि महापालिका निवडणुकीतील सर्वांत श्रीमंत उमेदवार परेश ठाकूर यांच्या विरोधात उभे राहिलेले बाळाराम पाटील यांनी अर्ज भरला आहे. १० जूनला होणाऱ्या पहिल्या विशेष सभेत गटनेता दोन नावे अंतिम करेल, त्यानुसार चौघांपैकी दोघांची निवड अंतिम होईल.