म. टा. वृत्तसेवा, शहापूर
विद्यार्थ्यांना शैक्षणिक कामाकरिता लागणारे विविध दाखले वेळेवर मिळावेत, याकरिता कंत्राटी पद्धतीने महसूल विभागातर्फे सेतू कार्यालय सुरू करण्यात आली, पण येथेही विद्यार्थ्यांना ताटकळत राहावे लागत असल्याचे समोर आले आहे.
शहापूर तालुक्यात हजारो विद्यार्थी शालेय शिक्षण घेत आहेत. त्यांना सरकारकडून मिळणाऱ्या सुविधा, सवलती, शिष्यवृत्ती आदीसाठी महसूल विभागाच्या दाखल्यांची गरज असते. विद्यार्थी आणि पालक या दाखल्यांसाठी फेऱ्या मारून कंटाळलेले असतात आणि शेवटी सेतू कार्यालयाच्या आवारात फिरणाऱ्या दलालांच्या जाळ्यात सापडतात.
या दलालांनी दाखल्याचे काम हाती घेतले की, दाखले लगेच कसे मिळतात, असा प्रश्न पालकांनी उपस्थित केला. याबाबत शहापूरचे तहसीलदार रवींद्र बाविस्कर यांच्याशी संपर्क साधला असता, लेखी तक्रार आल्यास संबंधितांना नक्कीच जाब विचारला जाईल, असे त्यांनी स्पष्ट केले.
विद्यार्थ्यांना शैक्षणिक कामाकरिता लागणारे विविध दाखले वेळेवर मिळावेत, याकरिता कंत्राटी पद्धतीने महसूल विभागातर्फे सेतू कार्यालय सुरू करण्यात आली, पण येथेही विद्यार्थ्यांना ताटकळत राहावे लागत असल्याचे समोर आले आहे.
शहापूर तालुक्यात हजारो विद्यार्थी शालेय शिक्षण घेत आहेत. त्यांना सरकारकडून मिळणाऱ्या सुविधा, सवलती, शिष्यवृत्ती आदीसाठी महसूल विभागाच्या दाखल्यांची गरज असते. विद्यार्थी आणि पालक या दाखल्यांसाठी फेऱ्या मारून कंटाळलेले असतात आणि शेवटी सेतू कार्यालयाच्या आवारात फिरणाऱ्या दलालांच्या जाळ्यात सापडतात.
या दलालांनी दाखल्याचे काम हाती घेतले की, दाखले लगेच कसे मिळतात, असा प्रश्न पालकांनी उपस्थित केला. याबाबत शहापूरचे तहसीलदार रवींद्र बाविस्कर यांच्याशी संपर्क साधला असता, लेखी तक्रार आल्यास संबंधितांना नक्कीच जाब विचारला जाईल, असे त्यांनी स्पष्ट केले.