नवी मुंबई : रविवारी भरदिवसा उलवे सेक्टर ८मधील श्री गायत्री इमारतीत रहाणाऱ्या डॉक्टरचे घर फोडून चोरांनी सुमारे एक लाख रुपयांची रोख रक्कम चोरून नेल्याची घटना घडली. न्हावा-शेवा पोलिसांनी या प्रकरणी अज्ञात चोरावर घरफोडीचा गुन्हा दाखल केला आहे. डॉ. रवींद्र शर्मा यांचे इमारतीत तळमजल्यावर तसेच सीवूड्स भागात क्लिनिक आहे. रविवारी सकाळी डॉ. शर्मा सकाळी सीवूड्स येथील दवाखान्यातून उलवे येथील क्लिनिकमध्ये गेले होते. त्यानंतर दुपारी क्लिनिकमधून मिरा रोड येथे गेले. यादरम्यान, डॉ. शर्मा याचे घर बंद असल्याची संधी साधून चोरांनी घराचा कडी-कोयंडा तोडून कपाटातील एक लाख ७००रुपयांची रोख रक्कम चोरून नेली. सायंकाळी साडेपाचच्या सुमारास कडी तुटल्याचे शेजाऱ्यांनी पाहिले आणि डॉ. शर्मा यांना कळवले. तेव्हा चोरी झाल्याचे उघडकीस आले.
भरदिवसा एक लाखाची घरफोडी
रविवारी भरदिवसा उलवे सेक्टर ८मधील श्री गायत्री इमारतीत रहाणाऱ्या डॉक्टरचे घर फोडून चोरांनी सुमारे एक लाख रुपयांची रोख रक्कम चोरून नेल्याची घटना घडली...
महाराष्ट्र टाइम्स.कॉम 17 Sep 2019, 4:00 am