म. टा. प्रतिनिधी, लातूर :
फिनिक्स फाऊंडेशनच्या वतीने लोदगा येथे सुरू करण्यात आलेल्या माती व पाणी परीक्षण प्रयोगशाळेचे उद्घाटन राज्याचे कृषी मंत्री डॉ. अनिल बोंडे यांच्या हस्ते करण्यात आले.
या कार्यक्रमास महाराष्ट्र राज्य कृषी मूल्य आयोगाचे अध्यक्ष तथा फिनिक्स फाऊंडेशनचे अध्यक्ष पाशा पटेल, सहसंचालक जगताप, आत्माचे संचालक डी. एल. जाधव, जिल्हा अधीक्षक कृषी अधिकारी आळसे, उपसंचालक मुळे यांच्यासह मान्यवरांची उपस्थिती होती.
यावेळी मार्गदर्शन करताना कृषिमंत्री डॉ. बोंडे म्हणाले, 'पाशा पटेल यांना नेता म्हणून नव्हे तर शेतकरी संघटनेचे कार्यकर्ते म्हणूनच मी जास्त ओळखतो. त्यांचे आणि माझे जुने संबंध आहेत. विविध आंदोलनात त्यांनी सहभाग घेतलेला आहे. कृषी क्षेत्रातील त्यांचे काम खूप मोठे असून मला त्याचा अभिमान आहे. आता ग्रामीण भागात शिक्षणाचे काम त्यांनी सुरू केले आहेत. फिनिक्स फाऊंडेशनचा परिसर अतिशय चांगला असून हा कँपस आणखी चांगला होईल, असा विश्वास त्यांनी व्यक्त केला. लोदगा येथील माळरानावर पाशा पटेल यांनी विश्व उभे केले आहे. हे पाहून त्यांनी समाधान व्यक्त केले. येथील बांबुची टिश्यु कल्चर लॅब आणि फुड लॅबची पाहणी करून इतर उपक्रमांची पाहणी करण्यासाठी मी पुन्हा येणार असल्याचे त्यांनी सांगितले. विद्यार्थ्यांनी काही सूचना असल्यास आपल्याशी संपर्क साधावा.'
फोटो ओळी...
लोदगा येथील फिनिक्स फाऊंडेशनच्या माती व पाणी परीक्षण प्रयोगशाळेचे उद्घाटन राज्याचे कृषी मंत्री डॉ. अनिल बोंडे यांच्या हस्ते करण्यात आले. यावेळी माजी आमदार पाशा पटेल.