मुंबई : बारामती विधानसभा मतदारसंघात राष्ट्रवादी काँग्रेसचे उमदेवार अजित पवार यांच्या विरोधात भाजपने धनगर समाजाचे नेते गोपीचंद पडळकर यांना उमेदवारी देण्याचे ठरविले आहे. मुख्यमंत्री देवेंद्र फडणवीस यांनी सोमवारी पडळकर यांच्या उमेदवारीची घोषणा केली. पडळकर यांनी लोकसभा निवडणुकीत वंचित बहुजन आघाडीच्या तिकिटावर सांगली लोकसभा निवडणूक लढविली होती. त्यांनी सोमवारी मुख्यमंत्री फडणवीस आणि भाजपचे प्रदेशाध्यक्ष चंद्रकांत पाटील यांच्या उपस्थितीत भाजपमध्ये प्रवेश केला. शिरपूरचे काँग्रेसचे नेते काशिराम पवरा, शिरपूर तालुका काँग्रेसचे अध्यक्ष प्रभाकर चव्हाण यांनी भाजपमध्ये प्रवेश केला. काँग्रेसचे माजी मंत्री आणि धुळे जिल्ह्यातील नेते अमरिश पटेल हेही लवकरच भाजपमध्ये प्रवेश करतील, अशी माहिती यावेळी देण्यात आली.
पडळकर भाजपमध्ये
बारामती विधानसभा मतदारसंघात राष्ट्रवादी काँग्रेसचे उमदेवार अजित पवार यांच्या विरोधात भाजपने धनगर समाजाचे नेते गोपीचंद पडळकर यांना उमेदवारी देण्याचे ...
महाराष्ट्र टाइम्स.कॉम 1 Oct 2019, 4:00 am