प्रवाशांकडून टीसीला मारहाण

नवी मुंबई : जनरल तिकिटावर एसी डब्यातून प्रवास करणाऱ्या दोघा प्रवाशांना तिकीट तपासनीसाने हटकल्याने या प्रवाशांनी तिकीट तपासनीसाला बेदम मारहाण केल्याची घटना सोमवारी सकाळी दादर-मडगाव जनशताब्दी एक्स्प्रेसमध्ये घडली. अनु कोटीयान (३०) आणि उमेश आंबरे (२८) अशी या दोघांची नावे आहेत.

पनवेल रेल्वे पोलिसांनी या दोघांवर सरकारी कामकाजात अडथळा निर्माण करून मारहाण केल्याप्रकरणी गुन्हा दाखल करत अटक केली. दरम्यान, या प्रकरणात मारहाण झालेल्या तिकीट तपासनीस पी. जी. सावंत यांना चिपळूण येथील रुग्णालयात दाखल करण्यात आले आहे. अनु कोटीयान उमेश आंबरे हे दोघेही ठाण्यातील कळवा भागात रहाणारे असून त्यांच्याकडे जनरल डब्याचे तिकीट असतानाही ते सी-१ या एसी रिझर्वेशनच्या डब्यामध्ये चढले.