मुंबई : कोरेगाव भीमा दंगलीच्या तपास प्रकरणी राष्ट्रवादी काँग्रेसचे ज्येष्ठ नेते शरद पवार यांची भूमिका दुटप्पी आहे, असा आरोप भारतीय जनता पक्षाचे प्रदेश मुख्य प्रवक्ते माधव भांडारी यांनी सोमवारी पत्रकार परिषदेत बोलताना केला. भांडारी म्हणाले, की गेल्या काही दिवसांपासून राष्ट्रवादी काँग्रेस आणि काँग्रेसच्या काही नेत्यांनी कोरेगाव भीमा दंगलीसंदर्भात काही व्यक्ती आणि संघटनांवर आरोप करणे सुरू केले आहे. या दंगलीचा तपास राष्ट्रीय तपास यंत्रणेकडे (एनआयए) सोपविण्याच्या केंद्र सरकारच्या निर्णयावरही पवार आणि राष्ट्रवादीच्या जबाबदार नेत्यांनी टीका केली आहे. मात्र, या याप्रकरणी तपास करणाऱ्या चौकशी आयोगापुढे सादर केलेल्या शपथपत्रात मात्र, पवार यांनी आपण या संदर्भात कोणा व्यक्ती अथवा संघटनेवर आरोप करू इच्छित नाही, असे स्पष्टपणे नमूद केले होते. आता राज्यात सत्तेत आल्यानंतर पवारांची भूमिका अचानक बदलली, असे ते म्हणाले.
'पवारांची भूमिका दुटप्पी'
कोरेगाव भीमा दंगलीच्या तपास प्रकरणी राष्ट्रवादी काँग्रेसचे ज्येष्ठ नेते शरद पवार यांची भूमिका दुटप्पी आहे, असा आरोप भारतीय जनता पक्षाचे प्रदेश मुख्य ...
महाराष्ट्र टाइम्स.कॉम 29 Jan 2020, 4:00 am