म. टा. वृत्तसेवा, नवी मुंबई
जुगार खेळण्यास अटकाव करण्यासाठी गेलेल्या नेरुळ पोलिस ठाण्यातील सहाय्यक पोलिस निरीक्षकालाच जुगारी तरुणांनी धक्काबुक्की करून बेदम मारहाण केल्याची घटना शुक्रवारी रात्री नेरुळ सेक्टर २० भागात घडली. या घटनेनंतर मारहाण करणारे पाचही जुगारी फरार झाले असून नेरुळ पोलिसांनी त्यांच्याविरोधात सरकारी कामकाजात अडथळा निर्माण केल्याप्रकरणी गुन्हा दाखल केला आहे. मारहाणीत मनीष केल्हटकर किरकोळ जखमी झाले असून त्यांच्यावर रुग्णालयात उपचार सुरू आहेत.
नेरुळ सेक्टर २०मध्ये काही व्यक्ती इमारतीच्या टेरेसवर जुगार खेळत बसले असल्याची माहिती नेरुळ पोलिसांना मिळाली होती. त्यामुळे रात्रपाळीवर असलेले गुन्हे प्रकटीकरण कक्षाचे सहाय्यक पोलिस निरीक्षक मनीष कोल्हटकर पथकासह गेले होते. इमारतीच्या टेरेसवर पोलिस पथक पोहोचल्यानंतर जुगार खेळण्यासाठी बसलेल्या तरुणांनी पोलिसांशी हुज्जत घालून त्यांना विरोध केला. अखेरीस पोलिसांनी सगळ्या जुगाऱ्यांची धरपकड करण्यास सुरुवात केल्यानंतर जुगाऱ्यांनी पोलिसांनाच धक्काबुक्की केली. या तरुणांनी सहाय्यक पोलिस निरीक्षक मनीष कोल्हटकर यांना बेदम मारहाण केली. अन्य पोलिसांनी कोल्हटकर यांची सुटका करून त्यांना पकडण्याचा प्रयत्न केला असता ते सर्व जुगारी पळून गेले. त्यानंतर पोलिसांनी जुगाऱ्यांविरोधात सरकारी कामकाजात अडथळा निर्माण केल्याप्रकरणी गुन्हा दाखल केला.
जुगार खेळण्यास अटकाव करण्यासाठी गेलेल्या नेरुळ पोलिस ठाण्यातील सहाय्यक पोलिस निरीक्षकालाच जुगारी तरुणांनी धक्काबुक्की करून बेदम मारहाण केल्याची घटना शुक्रवारी रात्री नेरुळ सेक्टर २० भागात घडली. या घटनेनंतर मारहाण करणारे पाचही जुगारी फरार झाले असून नेरुळ पोलिसांनी त्यांच्याविरोधात सरकारी कामकाजात अडथळा निर्माण केल्याप्रकरणी गुन्हा दाखल केला आहे. मारहाणीत मनीष केल्हटकर किरकोळ जखमी झाले असून त्यांच्यावर रुग्णालयात उपचार सुरू आहेत.
नेरुळ सेक्टर २०मध्ये काही व्यक्ती इमारतीच्या टेरेसवर जुगार खेळत बसले असल्याची माहिती नेरुळ पोलिसांना मिळाली होती. त्यामुळे रात्रपाळीवर असलेले गुन्हे प्रकटीकरण कक्षाचे सहाय्यक पोलिस निरीक्षक मनीष कोल्हटकर पथकासह गेले होते. इमारतीच्या टेरेसवर पोलिस पथक पोहोचल्यानंतर जुगार खेळण्यासाठी बसलेल्या तरुणांनी पोलिसांशी हुज्जत घालून त्यांना विरोध केला. अखेरीस पोलिसांनी सगळ्या जुगाऱ्यांची धरपकड करण्यास सुरुवात केल्यानंतर जुगाऱ्यांनी पोलिसांनाच धक्काबुक्की केली. या तरुणांनी सहाय्यक पोलिस निरीक्षक मनीष कोल्हटकर यांना बेदम मारहाण केली. अन्य पोलिसांनी कोल्हटकर यांची सुटका करून त्यांना पकडण्याचा प्रयत्न केला असता ते सर्व जुगारी पळून गेले. त्यानंतर पोलिसांनी जुगाऱ्यांविरोधात सरकारी कामकाजात अडथळा निर्माण केल्याप्रकरणी गुन्हा दाखल केला.