म. टा. वृत्तसेवा, नवी मुंबई
आत्महत्या करण्यासाठी रेल्वे रुळावर गेलेल्या एका २२ वर्षीय विवाहित तरुणीला पनवेल रेल्वे पोलिसांनी वाचविल्याची घटना रविवारी सकाळी बेलापूर रेल्वे स्थानकाजवळ घडली. पोलिसांनी या तरुणीची समजूत घालून तिला तिच्या पालकांच्या स्वाधीन केले.
पतीने सोडून दिल्याने ही तरुणी अनेक दिवसांपासून बेलापूर येथे आपल्या आई-वडिलांकडे राहात होती. मानसिक तणावातून तिने रेल्वेखाली जीव देण्याचा निर्णय घेतला होता. यासाठी ती रविवारी सकाळी ११ वाजण्याच्या सुमारास बेलापूर रेल्वे स्थानकात गेली होती. तेथील बोगद्यात रेल्वे रुळावर जाऊन उभी असताना पनवेलच्या दिशेने जाणाऱ्या लोकलच्या गार्डच्या ती निदर्शनास आली. गार्डने याबाबतची माहिती स्टेशन मास्तरला दिल्यानंतर त्यांनी पनवेल रेल्वे पोलिस ठाण्यातील जगदाळे व बनगर तसेच त्याच भागात चेकिंगसाठी गेलेले पोलिस उपनिरीक्षक बदाले व फडतरे यांच्यासह बोगद्याच्या दिशेने तत्काळ धाव घेतली.
त्यानंतर या तरुणीला ताब्यात घेऊन रेल्वे स्थानकावर आणले गेले. पोलिसांनी तिची समजूत काढून तिला आत्महत्येपासून परावृत्त केले व तिच्या पालकांना रेल्वे स्थानकात बोलावून तिला त्यांच्या स्वाधीन केले. या तरुणीच्या आई-वडिलांनी रेल्वे पोलिसांचे आभार मानले.
आत्महत्या करण्यासाठी रेल्वे रुळावर गेलेल्या एका २२ वर्षीय विवाहित तरुणीला पनवेल रेल्वे पोलिसांनी वाचविल्याची घटना रविवारी सकाळी बेलापूर रेल्वे स्थानकाजवळ घडली. पोलिसांनी या तरुणीची समजूत घालून तिला तिच्या पालकांच्या स्वाधीन केले.
पतीने सोडून दिल्याने ही तरुणी अनेक दिवसांपासून बेलापूर येथे आपल्या आई-वडिलांकडे राहात होती. मानसिक तणावातून तिने रेल्वेखाली जीव देण्याचा निर्णय घेतला होता. यासाठी ती रविवारी सकाळी ११ वाजण्याच्या सुमारास बेलापूर रेल्वे स्थानकात गेली होती. तेथील बोगद्यात रेल्वे रुळावर जाऊन उभी असताना पनवेलच्या दिशेने जाणाऱ्या लोकलच्या गार्डच्या ती निदर्शनास आली. गार्डने याबाबतची माहिती स्टेशन मास्तरला दिल्यानंतर त्यांनी पनवेल रेल्वे पोलिस ठाण्यातील जगदाळे व बनगर तसेच त्याच भागात चेकिंगसाठी गेलेले पोलिस उपनिरीक्षक बदाले व फडतरे यांच्यासह बोगद्याच्या दिशेने तत्काळ धाव घेतली.
त्यानंतर या तरुणीला ताब्यात घेऊन रेल्वे स्थानकावर आणले गेले. पोलिसांनी तिची समजूत काढून तिला आत्महत्येपासून परावृत्त केले व तिच्या पालकांना रेल्वे स्थानकात बोलावून तिला त्यांच्या स्वाधीन केले. या तरुणीच्या आई-वडिलांनी रेल्वे पोलिसांचे आभार मानले.