म. टा. वृत्तसेवा, नवी मुंबई
स्टेट बँकेतून बोलत असल्याचे सांगून मोबाइल फोनवरून संपर्क साधणाऱ्या एका भामट्याने रबाळे येथील गोठीवली गावात राहणाऱ्या पोलिसाच्या पत्नीकडून क्रेडिट कार्डाच्या माहितीसह ओटीपी नंबरची माहिती मिळवून तब्बल १ लाख २० हजार रुपयांची खरेदी केल्याचा प्रकार उघडकीस आला आहे. रबाळे पोलिसांनी या प्रकरणातील भामट्या विरोधात आयटी अॅक्टसह फसवणुकीचा गुन्हा दाखल करून या प्रकरणाचा तपास सुरू केला आहे.
लक्ष्मण जायेभाये (२९) मुंबई पोलिस दलात पोलिस शिपाई म्हणून कार्यरत असून सध्या ते रबाळे येथील गोठीवली गावात पत्नीसह राहण्यास आहेत. महिनाभरापूर्वीच जायेभाये याने एसबीआय बँकेचे क्रेडिट कार्ड घेतले होते. दरम्यान ४ मे रोजी सकाळी कामावर जाताना ते गडबडीत आपला मोबाइल फोन घरीच विसरून गेले. दुपारी १२.३० वाजण्याच्या सुमारास अज्ञात व्यक्तीने त्यांना फोन केला. जायेभाये यांच्या पत्नीने तो उचलला. एसबीआय बँकेतून बोलत असल्याचे सांगून भामट्याने त्यांनी घेतलेले क्रेडिट कार्ड नवीन असल्याचे सांगून सवलतींची माहिती दिली. याचवेळी त्याने क्रेडिट कार्डची माहितीही काढून घेतली. तसेच ओटीपी मिळवून त्याद्वारे तब्बल १ लाख २० हजार रुपयांची खरेदी केली. या संदर्भातील व्यवहाराचे मेसेज पोलिस जायेभाये याच्या मोबाइलवर आले. रात्री जायेभाये घरी आल्यानंतर मेसेज पाहून त्यांना धक्का बसला. जायेभाये यांनी रबाळे पोलिस ठाण्यात याबाबत तक्रार दाखल केली. त्यानुसार पोलिसांनी अज्ञात व्यक्तीविरोधात आयटी अॅक्टसह फसवणुकीचा गुन्हा दाखल करून तपासाला सुरुवात केली.
स्टेट बँकेतून बोलत असल्याचे सांगून मोबाइल फोनवरून संपर्क साधणाऱ्या एका भामट्याने रबाळे येथील गोठीवली गावात राहणाऱ्या पोलिसाच्या पत्नीकडून क्रेडिट कार्डाच्या माहितीसह ओटीपी नंबरची माहिती मिळवून तब्बल १ लाख २० हजार रुपयांची खरेदी केल्याचा प्रकार उघडकीस आला आहे. रबाळे पोलिसांनी या प्रकरणातील भामट्या विरोधात आयटी अॅक्टसह फसवणुकीचा गुन्हा दाखल करून या प्रकरणाचा तपास सुरू केला आहे.
लक्ष्मण जायेभाये (२९) मुंबई पोलिस दलात पोलिस शिपाई म्हणून कार्यरत असून सध्या ते रबाळे येथील गोठीवली गावात पत्नीसह राहण्यास आहेत. महिनाभरापूर्वीच जायेभाये याने एसबीआय बँकेचे क्रेडिट कार्ड घेतले होते. दरम्यान ४ मे रोजी सकाळी कामावर जाताना ते गडबडीत आपला मोबाइल फोन घरीच विसरून गेले. दुपारी १२.३० वाजण्याच्या सुमारास अज्ञात व्यक्तीने त्यांना फोन केला. जायेभाये यांच्या पत्नीने तो उचलला. एसबीआय बँकेतून बोलत असल्याचे सांगून भामट्याने त्यांनी घेतलेले क्रेडिट कार्ड नवीन असल्याचे सांगून सवलतींची माहिती दिली. याचवेळी त्याने क्रेडिट कार्डची माहितीही काढून घेतली. तसेच ओटीपी मिळवून त्याद्वारे तब्बल १ लाख २० हजार रुपयांची खरेदी केली. या संदर्भातील व्यवहाराचे मेसेज पोलिस जायेभाये याच्या मोबाइलवर आले. रात्री जायेभाये घरी आल्यानंतर मेसेज पाहून त्यांना धक्का बसला. जायेभाये यांनी रबाळे पोलिस ठाण्यात याबाबत तक्रार दाखल केली. त्यानुसार पोलिसांनी अज्ञात व्यक्तीविरोधात आयटी अॅक्टसह फसवणुकीचा गुन्हा दाखल करून तपासाला सुरुवात केली.