आरपीआयचे राष्ट्रीय अध्यक्ष तथा केंद्रीय सामाजिक न्याय राज्यमंत्री रामदास आठवले यांच्यावर शनिवारी रात्री अंबरनाथ येथे एका तरुणाने केलेल्या हल्ल्याच्या निषेधार्थ नवी मुंबईतही आरपीआयच्या कार्यकर्त्यांनी वाशीतील शिवाजी चौकात निदर्शने केली. तसेच, आठवले यांच्या सुरक्षा व्यवस्थेमध्ये वाढ करण्याची तसेच आठवले यांच्यावर हल्ला करण्यामागील खरा सूत्रधार कोण आहे, याचा शोध घेण्याची मागणी पोलिसांकडे केली. तसेच, केंद्रीय मंत्र्यांच्या सुरक्षा व्यवस्थेमध्ये दिरंगाई करणाऱ्या अंबरनाथ पोलिस ठाण्याच्या अधिकाऱ्यावर कारवाई करावी, सोशल मीडियामध्ये आठवले यांची बदनामी करणाऱ्या समाजकंटकांवर कारवाई करावी, आदी मागण्या केल्या. यावेळी कार्यकर्त्यांनी वाशी पोलिस ठाण्याचे वरिष्ठ पोलिस निरीक्षक संजय गोडसे यांना निवेदनही सादर केले.
आठवले हल्ल्याचा नवी मुंबईत निषेध
आरपीआयचे राष्ट्रीय अध्यक्ष तथा केंद्रीय सामाजिक न्याय राज्यमंत्री रामदास आठवले यांच्यावर शनिवारी रात्री अंबरनाथ येथे एका तरुणाने केलेल्या ...
Maharashtra Times 10 Dec 2018, 4:00 am