म. टा. वृत्तसेवा, नवी मुंबई
हार्बर रेल्वे मार्गावरून पनवेल ते वाशी असा महिलांच्या डब्यातून प्रवास करणाऱ्या ऋतुजा बोडके (१९) या कॉलेज तरुणीला चोरट्याने तिच्याकडील मोबाइल व कानातील सोन्याच्या रिंगा चोरताना झालेल्या झटापटीत धावत्या लोकलमधून बाहेर ढकलले. शनिवारी रात्री पावणेबारा वाजण्याच्या सुमारास जुईनगर रेल्वे स्थानकाजवळ घडलेल्या या घटनेत ऋतुजा गंभीर जखमी झाली असून, वाशीतील एमजीएम रुग्णालयात उपचार सुरू आहेत.
ऋतुजा वाशी सेक्टर १मध्ये राहात असून, बडोद्यात एमबीबीएसचे शिक्षण घेत आहे. शनिवारी रात्री ती बडोदा येथून आपल्या घरी परतत होती. रात्री सव्वाअकराच्या सुमारास ती एक्स्प्रेसने पनवेल स्थानकात उतरली व वाशीला जाण्यासाठी रात्री ११.२२ची पनवेल-वाशी लोकल पकडली. नेरुळ स्थानकात लुटारूने तिच्या डब्यात प्रवेश केला. त्याने तिचा मोबाइल हिसकावला. त्यानंतर रिंगा जबरदस्तीने खेचण्याचा प्रयत्न केला. मात्र ऋतुजाने त्याला प्रतिकार केला. या झटापटीत चोरट्याने ऋतुजाला धावत्या लोकलमधून ढकलून दिले. त्यानंतर जुईनगर स्थानकात त्याने पलायन केले.
जखमी अवस्थेतच पुढील प्रवास
चोरट्याने लूट करीत असताना झालेल्या झटापटीत धावत्या लोकलमधून बाहेर फेकलेल्या ऋतुजा बोडके या कॉलेज तरुणीने जखमी अवस्थेतच पुढील प्रवास केला.
धावत्या लोकलमधून खाली पडलेल्या ऋतुजाने जखमी अवस्थेत जुईनगर रेल्वे स्थानक गाठून पाठीमागून येणारी दुसरी लोकल पकडली व वाशी रेल्वेस्थानक गाठले. तिला घेण्यासाठी वाशी स्थानकात पोहोचलेल्या आपल्या वडिलांना तिने या घटनेची माहिती दिली. त्यानंतर रेल्वे पोलिस आणि आरपीएफच्या जवानांनी जुईनगर रेल्वे स्थानक गाठून लुटारूचा माग काढण्याचा प्रयत्न
केला, मात्र तो त्यांना सापडला नाही. त्यामुळे पोलिसांनी नेरुळ आणि जुईनगर रेल्वे स्थानकातील सीसीटीव्ही फूटेज मिळवून त्याचा माग काढण्यास सुरुवात केली आहे. वाशी रेल्वे पोलिसांनी या घटनेतील चोरट्या विरोधात जबरी चोरीसह जिवे ठार मारण्याचा प्रयत्न करणे, रेल्वे पोलिस कायदा कलम १६२नुसार गुन्हा दाखल करून त्याचा शोध सुरू केला आहे.
डब्यात पोलिस नव्हता
बारा डब्याच्या लोकलमध्ये फर्स्ट क्लास महिला डब्यासह महिलांचे सहा डबे असतात. मात्र एका लोकलच्या सहा डब्यांसाठी फक्त 3 पोलिस तैनात असतात. या घटनेतील जखमी ऋतुजा बोडके ही तरुणी ज्या महिलांच्या डब्यांमधून प्रवास करत होती, त्या डब्यामध्ये पोलिस नव्हता, असे आरपीएफचे वरिष्ठ पोलिस निरीक्षक एल. के. सागर यांनी सांगितले.
जून, २०१४मध्येही दोन लुटारूंनी पनवेल ते ऐरोली असा प्रवास करणाऱ्या तुषार जाधव या इंजिनीअरिंगच्या विद्यार्थ्याला लुटण्याच्या उद्देशाने धावत्या लोकलमध्ये चाकुहल्ला करून हत्या केली होती. त्यावेळी रेल्वे पोलिसांनी दोन लुटारूंना अटक केली होती.
हार्बर रेल्वे मार्गावरून पनवेल ते वाशी असा महिलांच्या डब्यातून प्रवास करणाऱ्या ऋतुजा बोडके (१९) या कॉलेज तरुणीला चोरट्याने तिच्याकडील मोबाइल व कानातील सोन्याच्या रिंगा चोरताना झालेल्या झटापटीत धावत्या लोकलमधून बाहेर ढकलले. शनिवारी रात्री पावणेबारा वाजण्याच्या सुमारास जुईनगर रेल्वे स्थानकाजवळ घडलेल्या या घटनेत ऋतुजा गंभीर जखमी झाली असून, वाशीतील एमजीएम रुग्णालयात उपचार सुरू आहेत.
ऋतुजा वाशी सेक्टर १मध्ये राहात असून, बडोद्यात एमबीबीएसचे शिक्षण घेत आहे. शनिवारी रात्री ती बडोदा येथून आपल्या घरी परतत होती. रात्री सव्वाअकराच्या सुमारास ती एक्स्प्रेसने पनवेल स्थानकात उतरली व वाशीला जाण्यासाठी रात्री ११.२२ची पनवेल-वाशी लोकल पकडली. नेरुळ स्थानकात लुटारूने तिच्या डब्यात प्रवेश केला. त्याने तिचा मोबाइल हिसकावला. त्यानंतर रिंगा जबरदस्तीने खेचण्याचा प्रयत्न केला. मात्र ऋतुजाने त्याला प्रतिकार केला. या झटापटीत चोरट्याने ऋतुजाला धावत्या लोकलमधून ढकलून दिले. त्यानंतर जुईनगर स्थानकात त्याने पलायन केले.
जखमी अवस्थेतच पुढील प्रवास
चोरट्याने लूट करीत असताना झालेल्या झटापटीत धावत्या लोकलमधून बाहेर फेकलेल्या ऋतुजा बोडके या कॉलेज तरुणीने जखमी अवस्थेतच पुढील प्रवास केला.
धावत्या लोकलमधून खाली पडलेल्या ऋतुजाने जखमी अवस्थेत जुईनगर रेल्वे स्थानक गाठून पाठीमागून येणारी दुसरी लोकल पकडली व वाशी रेल्वेस्थानक गाठले. तिला घेण्यासाठी वाशी स्थानकात पोहोचलेल्या आपल्या वडिलांना तिने या घटनेची माहिती दिली. त्यानंतर रेल्वे पोलिस आणि आरपीएफच्या जवानांनी जुईनगर रेल्वे स्थानक गाठून लुटारूचा माग काढण्याचा प्रयत्न
केला, मात्र तो त्यांना सापडला नाही. त्यामुळे पोलिसांनी नेरुळ आणि जुईनगर रेल्वे स्थानकातील सीसीटीव्ही फूटेज मिळवून त्याचा माग काढण्यास सुरुवात केली आहे. वाशी रेल्वे पोलिसांनी या घटनेतील चोरट्या विरोधात जबरी चोरीसह जिवे ठार मारण्याचा प्रयत्न करणे, रेल्वे पोलिस कायदा कलम १६२नुसार गुन्हा दाखल करून त्याचा शोध सुरू केला आहे.
डब्यात पोलिस नव्हता
बारा डब्याच्या लोकलमध्ये फर्स्ट क्लास महिला डब्यासह महिलांचे सहा डबे असतात. मात्र एका लोकलच्या सहा डब्यांसाठी फक्त 3 पोलिस तैनात असतात. या घटनेतील जखमी ऋतुजा बोडके ही तरुणी ज्या महिलांच्या डब्यांमधून प्रवास करत होती, त्या डब्यामध्ये पोलिस नव्हता, असे आरपीएफचे वरिष्ठ पोलिस निरीक्षक एल. के. सागर यांनी सांगितले.
जून, २०१४मध्येही दोन लुटारूंनी पनवेल ते ऐरोली असा प्रवास करणाऱ्या तुषार जाधव या इंजिनीअरिंगच्या विद्यार्थ्याला लुटण्याच्या उद्देशाने धावत्या लोकलमध्ये चाकुहल्ला करून हत्या केली होती. त्यावेळी रेल्वे पोलिसांनी दोन लुटारूंना अटक केली होती.