घणसोली येथे रो-हाऊससाठी आरक्षित असलेल्या भूखंडाला प्रतिचौरस मीटर तब्बल सव्वादोन लाखांचा दर सिडकोला मिळाला आहे. घणसोली सेक्टर ४ येथे रो-हाऊससाठी आरक्षित असलेल्या २५ भूखंडांसाठी सिडकोने निविदा मागविल्या होत्या. ४० ते ६० चौरस मीटरच्या या भूखंडांसाठी तब्बल ७७६ निविदा प्राप्त झाल्या होत्या. नुकतेच या निविदांचे दरपत्रक उघडण्यात आले. भूखंडाच्या स्थळानुसार त्या भूखंडाची पायाभूत किंमत ३० हजार १८३ आणि ३५ हजार रुपये प्रतिचौरस मीटर इतकी निश्चित करण्यात आली होती. प्रत्यक्षात मात्र प्रतिचौरस मीटरला दोन लाख २५ हजार रुपयांचा दर मिळाला. प्राप्त झालेल्या निविदांपैकी चार निविदाधारकांनी भूखंडाची एकत्रित रक्कम टाकल्याने या निविदांवर सिडकोचे व्यवस्थापकीय संचालक लोकेश चंद्र अंतिम निर्णय घेणार असल्याचे बोलले जात आहे.
सिडकोच्या भूखंडांना सव्वादोन लाखांचा दर
घणसोली येथे रो-हाऊससाठी आरक्षित असलेल्या भूखंडाला प्रतिचौरस मीटर तब्बल सव्वादोन लाखांचा दर सिडकोला मिळाला आहे...
महाराष्ट्र टाइम्स.कॉम 21 Jul 2019, 4:00 am