म. टा. वृत्तसेवा, नवी मुंबई
स्वमग्न मुलांसाठी खारघरमध्ये असलेल्या दिव्यांग सेंटरमधील एका शिक्षकाने या सेंटरमध्ये शिकण्यासाठी येणाऱ्या ९ वर्षीय मुलावर लैंगिक अत्याचार केल्याचा प्रकार शनिवारी उघडकीस आला. अक्षय प्रकाश पाटील (२४) असे या शिक्षकाचे नाव असून खारघर पोलिसांनी त्याच्यावर कलम ३७७ तसेच पोस्को कायद्यानुसार गुन्हा दाखल करून अटक केली आहे. अक्षयची पोलिस कोठडीत रवानगी करण्यात आली.
पीडित मुलगा हा खारघर भागात राहण्यास असून तो स्वमग्न आहे. २९ ऑगस्ट रोजी हा मुलगा दिव्यांग सेंटरमध्ये नेहमीप्रमाणे गेला. त्यादिवशी स्वमग्न मुलांना शिकविणारी शिक्षिका रजेवर असल्याने दिव्यांग सेंटरमधील एकमेव पुरुष शिक्षक असलेला अक्षय पाटील हा या मुलांना शिकवण्यासाठी गेला होता. वर्गात फक्त दोनच मुले असल्याने अक्षयने संधी साधून मुलावर लैंगिक अत्याचार केले. पीडित मुलाने घडल्या प्रकाराची माहिती आपल्या आई-वडिलांना दिली. मात्र स्वमग्न असल्यामुळे अत्याचार करणारी व्यक्ती कोण, हे त्याला सांगता येत नव्हते. हा मुलगा दिव्यांग सेंटरप्रमाणेच इतर दोन ठिकाणी शिकण्यासाठी
जात असल्यामुळे त्याच्यावर नेमके कुणी अत्याचार केले, याबाबत त्याच्या पालकांमध्ये देखील संभ्रम निर्माण झाला. त्यांनी तज्ज्ञांकडून मार्गदर्शन घेतले असता, मुलाला त्याच्यावर अत्याचार करणाऱ्याचे चित्र काढण्याचा सल्ला दिला. त्यानुसार त्याने चित्र काढले. या चित्रातील व्यक्तीच्या वर्णनावरून ही व्यक्ती दिव्यांग सेंटरमधील शिक्षक असल्याचा संशय आला. त्यामुळे पीडित मुलाच्या पालकांनी दिव्यांग सेंटरमधील शिक्षकांचे फोटो आणून दाखविल्यानंतर त्यातील एकमेव पुरुष शिक्षक असलेल्या अक्षय पाटील याला त्याने ओळखले.
स्वमग्न मुलांसाठी खारघरमध्ये असलेल्या दिव्यांग सेंटरमधील एका शिक्षकाने या सेंटरमध्ये शिकण्यासाठी येणाऱ्या ९ वर्षीय मुलावर लैंगिक अत्याचार केल्याचा प्रकार शनिवारी उघडकीस आला. अक्षय प्रकाश पाटील (२४) असे या शिक्षकाचे नाव असून खारघर पोलिसांनी त्याच्यावर कलम ३७७ तसेच पोस्को कायद्यानुसार गुन्हा दाखल करून अटक केली आहे. अक्षयची पोलिस कोठडीत रवानगी करण्यात आली.
पीडित मुलगा हा खारघर भागात राहण्यास असून तो स्वमग्न आहे. २९ ऑगस्ट रोजी हा मुलगा दिव्यांग सेंटरमध्ये नेहमीप्रमाणे गेला. त्यादिवशी स्वमग्न मुलांना शिकविणारी शिक्षिका रजेवर असल्याने दिव्यांग सेंटरमधील एकमेव पुरुष शिक्षक असलेला अक्षय पाटील हा या मुलांना शिकवण्यासाठी गेला होता. वर्गात फक्त दोनच मुले असल्याने अक्षयने संधी साधून मुलावर लैंगिक अत्याचार केले. पीडित मुलाने घडल्या प्रकाराची माहिती आपल्या आई-वडिलांना दिली. मात्र स्वमग्न असल्यामुळे अत्याचार करणारी व्यक्ती कोण, हे त्याला सांगता येत नव्हते. हा मुलगा दिव्यांग सेंटरप्रमाणेच इतर दोन ठिकाणी शिकण्यासाठी
जात असल्यामुळे त्याच्यावर नेमके कुणी अत्याचार केले, याबाबत त्याच्या पालकांमध्ये देखील संभ्रम निर्माण झाला. त्यांनी तज्ज्ञांकडून मार्गदर्शन घेतले असता, मुलाला त्याच्यावर अत्याचार करणाऱ्याचे चित्र काढण्याचा सल्ला दिला. त्यानुसार त्याने चित्र काढले. या चित्रातील व्यक्तीच्या वर्णनावरून ही व्यक्ती दिव्यांग सेंटरमधील शिक्षक असल्याचा संशय आला. त्यामुळे पीडित मुलाच्या पालकांनी दिव्यांग सेंटरमधील शिक्षकांचे फोटो आणून दाखविल्यानंतर त्यातील एकमेव पुरुष शिक्षक असलेल्या अक्षय पाटील याला त्याने ओळखले.