मुंबई : मंगळवारी ज्येष्ठ अमावास्येच्या दिवशी, २ जुलै रोजी खग्रास सूर्यग्रहण होणार आहे. मात्र हे सूर्यग्रहण देशातून दिसणार नसल्याचे खगोल अभ्यासक, पंचांगकर्ते दा. कृ. सोमण यांनी सांगितले. हे खग्रास सूर्यग्रहण भारतीय प्रमाणवेळेनुसार, रात्री १० वाजून २५ मिनिटांपासून उत्तररात्री ३ वाजून २० मिनिटांपर्यंत होईल. त्यामुळे ते भारतात दिसणार नाही. पूर्व ओशिनिया , प्रशांत महासागर आणि दक्षिण अमेरिकेतून हे ग्रहण दिसेल. यावर्षी मंगळवारी, १६ जुलै रोजी होणारे खंडग्रास चंद्रग्रहण आणि गुरुवार २६ डिसेंबर रोजी होणारे कंकणाकृती सूर्यग्रहण मात्र भारतातून दिसणार असल्याचे सोमण यांनी सांगितले.
मंगळवारी सूर्यग्रहण
मंगळवारी ज्येष्ठ अमावास्येच्या दिवशी, २ जुलै रोजी खग्रास सूर्यग्रहण होणार आहे...
महाराष्ट्र टाइम्स.कॉम 1 Jul 2019, 4:00 am