म. टा. वृत्तसेवा, नवी मुंबई
ओव्हरस्पीडमुळे होणारे अपघात टाळण्यासाठी महामार्ग वाहतूक पोलिसांनी मुंबई-पुणे एक्स्प्रेस मार्गावर स्पीडगनच्या माध्यमातून अतिवेगाने गाड्या चालविणाऱ्यांविरोधात विशेष मोहीम सुरू केली आहे. त्यानुसार महामार्ग वाहतूक पोलिसांकडून स्पीडगन कॅमेऱ्याद्वारे ओव्हरस्पीड वाहनांचे नंबर आणि वेग टिपण्यात येणार आहे. तसेच त्यांच्यावर कारवाई करून हजार रुपयांपर्यंत दंडही आकारला जाणार आहे.
मुंबई-पुणे एक्स्प्रेस मार्गाव ८० किमी. वेगापर्यंत वाहने चालवण्यास परवानगी असताना अनेक वाहनचालक १०० ते १५० किमी वेगाने वाहने चालवत असल्याचे आढळून आले आहे. या अतिवेगामुळे अपघात होऊन अनेकजणांचा बळी गेला आहे, तर अनेकजण गंभीर जखमी होऊन कायमचे जायबंदी झाले आहेत. ही जीवितहानी व नुकसान टाळण्यासाठी महामार्ग वाहतूक पोलिसांनी स्पीडगनच्या माध्यमातून ओव्हरस्पीड वाहनांवर कारवाईसाठी ही मोहीम सुरू केली आहे. या मोहीमेचा शुभारंभ शनिवारी पनवेलच्या कोनगाव येथील उड्डाणपुलाखाली झाला. यावेळी ठाणे जिल्हा वाहतूक पोलिस अधीक्षक रूपाली अंबुरे, पोलिस उपअधीक्षक श्रीकांत मोहिते, पोलिस निरीक्षक सुदाम पातोडकर व इतर अधिकारी उपस्थित होते.
महामार्ग वाहतूक शाखेचे पळस्पे प्रभारी सहाय्यक पोलिस निरीक्षक सुभाष पुजारी यांच्या मार्गदर्शनाखाली राबवण्यात येणाऱ्या स्पीडगन मोहिमेसाठी मुंबई-पुणे एक्स्प्रेस मार्गावर तीन जागा निश्चित करण्यात आल्या आहेत. त्यानंतर खालापूर येथील टोल नाक्यावर तैनात असलेले पोलिस अधिकारी व कर्मचाऱ्यांकडून अशा वाहनचालकांवर मोटार अॅक्टनुसार कारवाई करण्यात येणार असल्याची माहिती पोलिस उपअधीक्षक श्रीकांत मोहिते यांनी दिली.
ओव्हरस्पीडमुळे होणारे अपघात टाळण्यासाठी महामार्ग वाहतूक पोलिसांनी मुंबई-पुणे एक्स्प्रेस मार्गावर स्पीडगनच्या माध्यमातून अतिवेगाने गाड्या चालविणाऱ्यांविरोधात विशेष मोहीम सुरू केली आहे. त्यानुसार महामार्ग वाहतूक पोलिसांकडून स्पीडगन कॅमेऱ्याद्वारे ओव्हरस्पीड वाहनांचे नंबर आणि वेग टिपण्यात येणार आहे. तसेच त्यांच्यावर कारवाई करून हजार रुपयांपर्यंत दंडही आकारला जाणार आहे.
मुंबई-पुणे एक्स्प्रेस मार्गाव ८० किमी. वेगापर्यंत वाहने चालवण्यास परवानगी असताना अनेक वाहनचालक १०० ते १५० किमी वेगाने वाहने चालवत असल्याचे आढळून आले आहे. या अतिवेगामुळे अपघात होऊन अनेकजणांचा बळी गेला आहे, तर अनेकजण गंभीर जखमी होऊन कायमचे जायबंदी झाले आहेत. ही जीवितहानी व नुकसान टाळण्यासाठी महामार्ग वाहतूक पोलिसांनी स्पीडगनच्या माध्यमातून ओव्हरस्पीड वाहनांवर कारवाईसाठी ही मोहीम सुरू केली आहे. या मोहीमेचा शुभारंभ शनिवारी पनवेलच्या कोनगाव येथील उड्डाणपुलाखाली झाला. यावेळी ठाणे जिल्हा वाहतूक पोलिस अधीक्षक रूपाली अंबुरे, पोलिस उपअधीक्षक श्रीकांत मोहिते, पोलिस निरीक्षक सुदाम पातोडकर व इतर अधिकारी उपस्थित होते.
महामार्ग वाहतूक शाखेचे पळस्पे प्रभारी सहाय्यक पोलिस निरीक्षक सुभाष पुजारी यांच्या मार्गदर्शनाखाली राबवण्यात येणाऱ्या स्पीडगन मोहिमेसाठी मुंबई-पुणे एक्स्प्रेस मार्गावर तीन जागा निश्चित करण्यात आल्या आहेत. त्यानंतर खालापूर येथील टोल नाक्यावर तैनात असलेले पोलिस अधिकारी व कर्मचाऱ्यांकडून अशा वाहनचालकांवर मोटार अॅक्टनुसार कारवाई करण्यात येणार असल्याची माहिती पोलिस उपअधीक्षक श्रीकांत मोहिते यांनी दिली.