म. टा. वृत्तसेवा, नवी मुंबई
पद्मावत सिनेमाला विरोध दर्शवणाऱ्या संघटनेच्या काही कार्यकर्त्यांनी मंगळवारी रात्री पावणे नऊ वाजण्याच्या सुमारास नवीन पनवेल मधील सिनेराज (मिराज) या सिनेमागृहावर तसेच पार्किंगमधील कारवर दगडफेक करून पलायन केले. या दगडफेकीत सिनेमागृहाच्या तिकीट खिडकीच्या काचा तसेच पार्किंगमधील दोन कारचे नुकसान झाले. या घटनेनंतर खांदेश्वर पोलिसांनी अज्ञात तरुणांविरोधात गुन्हा दाखल करून त्यांचा शोध सुरू केला आहे.
राणी पद्मावती यांच्या जीवनावर आधारित असलेला दिग्दर्शक संजय लिला भन्साळी यांचा पद्मावत हा चित्रपट प्रदर्शनापूर्वीच वादग्रस्त ठरल्याने काही संघटनांनी हा चित्रपट प्रदर्शित होऊ नये, यासाठी आंदोलन सुरू केले आहे. नवीन पनवेलमधील सिनेराज (मिराज) या सिनेमागृहातदेखील हा चित्रपट प्रदर्शित होणार असल्याची माहिती मिळाल्याने मंगळवारी रात्री पावणे दहा वाजण्याच्या सुमारास २० ते २५ तरुण या सिनेमागृहाबाहेर गेले होते. यावेळी एका तरुणाने तिकिट खिडकीवर जाऊन तेथे कार्यरत असलेल्या राहुल लोकरे याच्याकडे शोबद्दल माहिती विचारली. लोकरे याने बुधवारी सायंकाळी ७ वाजता पद्मावत चित्रपटाचा शो असल्याची माहिती दिली. त्यानंतर तरुणांमधील ४ ते ५ तरुणांनी येऊन नक्की उद्या पद्मावतचा शो आहे का, अशी विचारणा केली. त्यामुळे लोकरे याने त्यांना बुधवारी शो असल्याचे सांगितल्यानंतर त्यातील काही तरुणांनी स्टील रॉड तिकीट खिडकीच्या काचेवर मारली. दुसऱ्या तरुणाने दगड व लादीचे तुकडे काचेवर मारून नुकसान केले. त्यामुळे तिकीट खिडकीवर असलेल्या राहुल लोकरे याने आरडा-ओरडा करून सुरक्षारक्षकाला बोलावून घेतले. त्यानंतर २० ते २५ तरुणांनी त्या ठिकाणी पळून जाताना सिनेमागृहाच्या पार्किंगमध्ये असलेल्या इर्टिगा व वॅगनार या दोन कारवर दगडफेक करून त्यांच्या काचा फोडून त्या ठिकाणावरून पळ काढला.
या घटनेची माहिती मिळाल्यानंतर खांदेश्वर पोलिसांनी घटनास्थळी धाव घेऊन सिनेमागृहावर दगडफेक करणाऱ्या तरुणांचा शोध घेण्याचा प्रयत्न केला, मात्र त्यांच्या हाती कुणीच लागले नाही. त्यामुळे पोलिसांनी या तरुणांवर गुन्हा दाखल करून त्यांचा शोध सुरू केला आहे. सिनेमागृहावर दगडफेक करणारे तरुण नेमक्या कुठल्या संघटनेचे होते, हे स्पष्ट होऊ शकले नाही.
पद्मावत सिनेमाला विरोध दर्शवणाऱ्या संघटनेच्या काही कार्यकर्त्यांनी मंगळवारी रात्री पावणे नऊ वाजण्याच्या सुमारास नवीन पनवेल मधील सिनेराज (मिराज) या सिनेमागृहावर तसेच पार्किंगमधील कारवर दगडफेक करून पलायन केले. या दगडफेकीत सिनेमागृहाच्या तिकीट खिडकीच्या काचा तसेच पार्किंगमधील दोन कारचे नुकसान झाले. या घटनेनंतर खांदेश्वर पोलिसांनी अज्ञात तरुणांविरोधात गुन्हा दाखल करून त्यांचा शोध सुरू केला आहे.
राणी पद्मावती यांच्या जीवनावर आधारित असलेला दिग्दर्शक संजय लिला भन्साळी यांचा पद्मावत हा चित्रपट प्रदर्शनापूर्वीच वादग्रस्त ठरल्याने काही संघटनांनी हा चित्रपट प्रदर्शित होऊ नये, यासाठी आंदोलन सुरू केले आहे. नवीन पनवेलमधील सिनेराज (मिराज) या सिनेमागृहातदेखील हा चित्रपट प्रदर्शित होणार असल्याची माहिती मिळाल्याने मंगळवारी रात्री पावणे दहा वाजण्याच्या सुमारास २० ते २५ तरुण या सिनेमागृहाबाहेर गेले होते. यावेळी एका तरुणाने तिकिट खिडकीवर जाऊन तेथे कार्यरत असलेल्या राहुल लोकरे याच्याकडे शोबद्दल माहिती विचारली. लोकरे याने बुधवारी सायंकाळी ७ वाजता पद्मावत चित्रपटाचा शो असल्याची माहिती दिली. त्यानंतर तरुणांमधील ४ ते ५ तरुणांनी येऊन नक्की उद्या पद्मावतचा शो आहे का, अशी विचारणा केली. त्यामुळे लोकरे याने त्यांना बुधवारी शो असल्याचे सांगितल्यानंतर त्यातील काही तरुणांनी स्टील रॉड तिकीट खिडकीच्या काचेवर मारली. दुसऱ्या तरुणाने दगड व लादीचे तुकडे काचेवर मारून नुकसान केले. त्यामुळे तिकीट खिडकीवर असलेल्या राहुल लोकरे याने आरडा-ओरडा करून सुरक्षारक्षकाला बोलावून घेतले. त्यानंतर २० ते २५ तरुणांनी त्या ठिकाणी पळून जाताना सिनेमागृहाच्या पार्किंगमध्ये असलेल्या इर्टिगा व वॅगनार या दोन कारवर दगडफेक करून त्यांच्या काचा फोडून त्या ठिकाणावरून पळ काढला.
या घटनेची माहिती मिळाल्यानंतर खांदेश्वर पोलिसांनी घटनास्थळी धाव घेऊन सिनेमागृहावर दगडफेक करणाऱ्या तरुणांचा शोध घेण्याचा प्रयत्न केला, मात्र त्यांच्या हाती कुणीच लागले नाही. त्यामुळे पोलिसांनी या तरुणांवर गुन्हा दाखल करून त्यांचा शोध सुरू केला आहे. सिनेमागृहावर दगडफेक करणारे तरुण नेमक्या कुठल्या संघटनेचे होते, हे स्पष्ट होऊ शकले नाही.