नवी मुंबई : उरण तालुक्यात सातत्याने खंडित होणाऱ्या वीजपुरवठ्यामुळे हैराण झालेल्या ग्राहकांना आता दिलासा मिळणार आहे. उरण शहर आणि सिडकोच्या द्रोणागिरी वसाहतीसाठी महावितरणने उभारलेल्या उपकेंद्रांची कामे पूर्ण झाली असून ती लवकरच सुरू होणार असल्याचे महावितरणच्या अधिकाऱ्यांनी सांगितले.
उरण शहरामध्ये नव्या उपकेंद्रामुळे जीटीपीएस सबस्टेशनवरील भार कमी होऊन वीजपुरवठा खंडित होण्याचे प्रकार थांबतील, असा विश्वास व्यक्त केला जात आहे. उरण उपकेंद्रामधून उरण, मोरा, नागाव अशा पाच फिडरला तर जीटीपीएस उपकेंद्रामधून करंजा, शेवा, चांजे, बोकडविरा आदी भागांत वीजपुरवठा केला जाणार आहे. शहराला वीजपुरवठा करणाऱ्या वाहिन्यांमधील अंतरही कमी होणार आहे. त्यासाठी जीटीपीएस ते उरण अशी नवी वाहिनी टाकण्यात आली आहे. सिडको द्रोणागिरी नोडसाठी बोकडविरा गावाजवळील उपकेंद्र सुरू होईल. या उपकेंद्रावर चिरनेर, जेएनपीटी फिडरला वीजपुरवठा केला जाणार आहे. दोन्ही उपकेंद्रांची चाचणी झाली असून ती दोन-तीन दिवसांमध्ये सुरू होतील असे उरणचे इंजिनीअर पांडुरंग बोके यांनी सांगितले.
उरण शहरामध्ये नव्या उपकेंद्रामुळे जीटीपीएस सबस्टेशनवरील भार कमी होऊन वीजपुरवठा खंडित होण्याचे प्रकार थांबतील, असा विश्वास व्यक्त केला जात आहे. उरण उपकेंद्रामधून उरण, मोरा, नागाव अशा पाच फिडरला तर जीटीपीएस उपकेंद्रामधून करंजा, शेवा, चांजे, बोकडविरा आदी भागांत वीजपुरवठा केला जाणार आहे. शहराला वीजपुरवठा करणाऱ्या वाहिन्यांमधील अंतरही कमी होणार आहे. त्यासाठी जीटीपीएस ते उरण अशी नवी वाहिनी टाकण्यात आली आहे. सिडको द्रोणागिरी नोडसाठी बोकडविरा गावाजवळील उपकेंद्र सुरू होईल. या उपकेंद्रावर चिरनेर, जेएनपीटी फिडरला वीजपुरवठा केला जाणार आहे. दोन्ही उपकेंद्रांची चाचणी झाली असून ती दोन-तीन दिवसांमध्ये सुरू होतील असे उरणचे इंजिनीअर पांडुरंग बोके यांनी सांगितले.