म. टा. वृत्तसेवा, नवी मुंबई
आगामी सात वर्षांत ५५ हजार घरांची निर्मिती करण्याचे उद्दिष्ट ठेवलेल्या सिडको आता आर्थिक दुर्बल आणि अल्प उत्पन्न गटांसाठी तळोजा येथे १३ हजार ८१० घरांचा नवीन प्रकल्प उभारणार आहे. या गृहप्रकल्पासाठी सुमारे दोन हजार कोटी रुपये खर्च अपेक्षित आहे. या गृहप्रकल्प उभारणीसाठी सिडकोने निविदा काढल्या असून दिवाळीपर्यंत या गृहप्रकल्पाच्या प्रत्यक्ष कामास सुरुवात होणार असल्याची माहिती सिडकोचे व्यवस्थापकीय संचालक भूषण गगराणी यांनी दिली.
सिडकोने यापूर्वी विविध घटकांसाठी साधारण दीड लाख घरे बांधली आहेत. डिसेंबर २०१९पर्यंत आणखी ५५ हजार घरे बांधण्याचा निर्धार सिडकोने व्यक्त केला आहे. परंतु भविष्यात सिडको गरिबांसाठीच (आर्थिक दुर्बल आणि अल्प उत्पन्न गटांसाठी)घरे उभारणार असल्याचे गगराणी यांनी सांगितले. यापूर्वी सिडकोने खारघर येथे स्वप्नपूर्ती, व्हॅलीशिल्प आणि उलवे येथे उन्नती या प्रकल्पाअंतर्गत तीन हजार ६०० घरे बांधली आहेत. आता सिडकोने तळोजा परिसरात १३ हजार ८१० घरांचा प्रकल्प उभारण्याचा संकल्प सोडला आहे. हा गृहप्रकल्प दोन टप्प्यांत पूर्ण केला जाणार असून पहिल्या टप्प्यात सात हजार १७९ घरांची निर्मिती केली जाणार आहे. त्यासाठी १३२० कोटी रुपयांचा खर्च अपेक्षित आहे. तर, दुसऱ्या टप्प्यात ६६३१ घरे बांधली जाणार असून त्यासाठी १२२० कोटी रुपयांचा खर्च निर्धारित करण्यात आला आहे. आगामी तीन वर्षांत टप्प्याटप्प्याने उर्वरित ३८ हजार ३१७ घरे बांधून पूर्ण करण्याचे सिडकोचे उद्दिष्ट असल्याची माहिती भूषण गगराणी यांनी दिली.
तळोजा येथे उभारण्यात येणाऱ्या गृहप्रकल्पासाठी एकूण दोन हजार ५४ कोटी रुपयांचा खर्च अपेक्षित धरण्यात आला आहे. त्यानुसार, अलीकडेच निविदा काढण्यात आली आहे. निविदेची अंतिम प्रक्रिया पूर्ण झाल्यानंतर दोन-तीन महिन्यांत गृहप्रकल्पाच्या प्रत्यक्ष कामाला सुरुवात होईल, अशी माहिती सिडकोचे चीफ इंजिनीअर के. कृ. वरखेडकर यांनी दिली. आर्थिकदृष्ट्या दुर्बल आणि अल्प उत्पन्न गटांसाठी उभारण्यात येणाऱ्या या गृहप्रकल्पातील घरांचे क्षेत्रपळ अनुक्रमे ३०८आणि ३७० चौरस फूट असणार आहे.
आगामी सात वर्षांत ५५ हजार घरांची निर्मिती करण्याचे उद्दिष्ट ठेवलेल्या सिडको आता आर्थिक दुर्बल आणि अल्प उत्पन्न गटांसाठी तळोजा येथे १३ हजार ८१० घरांचा नवीन प्रकल्प उभारणार आहे. या गृहप्रकल्पासाठी सुमारे दोन हजार कोटी रुपये खर्च अपेक्षित आहे. या गृहप्रकल्प उभारणीसाठी सिडकोने निविदा काढल्या असून दिवाळीपर्यंत या गृहप्रकल्पाच्या प्रत्यक्ष कामास सुरुवात होणार असल्याची माहिती सिडकोचे व्यवस्थापकीय संचालक भूषण गगराणी यांनी दिली.
सिडकोने यापूर्वी विविध घटकांसाठी साधारण दीड लाख घरे बांधली आहेत. डिसेंबर २०१९पर्यंत आणखी ५५ हजार घरे बांधण्याचा निर्धार सिडकोने व्यक्त केला आहे. परंतु भविष्यात सिडको गरिबांसाठीच (आर्थिक दुर्बल आणि अल्प उत्पन्न गटांसाठी)घरे उभारणार असल्याचे गगराणी यांनी सांगितले. यापूर्वी सिडकोने खारघर येथे स्वप्नपूर्ती, व्हॅलीशिल्प आणि उलवे येथे उन्नती या प्रकल्पाअंतर्गत तीन हजार ६०० घरे बांधली आहेत. आता सिडकोने तळोजा परिसरात १३ हजार ८१० घरांचा प्रकल्प उभारण्याचा संकल्प सोडला आहे. हा गृहप्रकल्प दोन टप्प्यांत पूर्ण केला जाणार असून पहिल्या टप्प्यात सात हजार १७९ घरांची निर्मिती केली जाणार आहे. त्यासाठी १३२० कोटी रुपयांचा खर्च अपेक्षित आहे. तर, दुसऱ्या टप्प्यात ६६३१ घरे बांधली जाणार असून त्यासाठी १२२० कोटी रुपयांचा खर्च निर्धारित करण्यात आला आहे. आगामी तीन वर्षांत टप्प्याटप्प्याने उर्वरित ३८ हजार ३१७ घरे बांधून पूर्ण करण्याचे सिडकोचे उद्दिष्ट असल्याची माहिती भूषण गगराणी यांनी दिली.
तळोजा येथे उभारण्यात येणाऱ्या गृहप्रकल्पासाठी एकूण दोन हजार ५४ कोटी रुपयांचा खर्च अपेक्षित धरण्यात आला आहे. त्यानुसार, अलीकडेच निविदा काढण्यात आली आहे. निविदेची अंतिम प्रक्रिया पूर्ण झाल्यानंतर दोन-तीन महिन्यांत गृहप्रकल्पाच्या प्रत्यक्ष कामाला सुरुवात होईल, अशी माहिती सिडकोचे चीफ इंजिनीअर के. कृ. वरखेडकर यांनी दिली. आर्थिकदृष्ट्या दुर्बल आणि अल्प उत्पन्न गटांसाठी उभारण्यात येणाऱ्या या गृहप्रकल्पातील घरांचे क्षेत्रपळ अनुक्रमे ३०८आणि ३७० चौरस फूट असणार आहे.